________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
हइ, साऽवि समहिगदविणलोभेण तस्स चेवं दलयइ । अन्नया परतीरगमणनिमित्तं नाणाविह अमुल भंडभरियं जाणवत्तं ठावियं अणेण समुद्दतीरे, सावि भणिया, जहा- कलेऽहं परतीरे गमिस्सामि, तम्हा तुमे समुद्दतीरे अमुगंमि परसे आगंतूण नीसेसाई कुंदवेइलन व मालई पाडलाइ मुत्तय चंपय पमुहाई कुसुमाई समप्पेजासि, अहं ते चउग्गुणं मोलं दवाविस्सामि, पडिवन्नं च तीए हट्ठहिययाए, न मुणिओ कोऽवि परमत्थो, वीयदिवसे गया समग्गकुसुममालाओ गहिऊण निहिडट्ठाणे, दिट्ठो सो वणिओ जाणवत्ताधिरूढो, पणामियाई तीए कुसुमाई, पसारिओ तेण हत्थो, तीए वि समप्पणं ( णत्थं) पलंबिया मुणालकोमला नियभुयलया, तेणवि हरिसभरनिब्भरंगेण सकुसुममाला चेव गहिऊण आरोविया सीलवई जाणवत्ते, उक्खित्ता उवरिगाए, एत्यंतरे बज्जावियाई मंगलतूराइं पयद्वियं पवहणं विमुक्का सियवडा वाहियाई आवलयाई चंडगंडीव विमुक्ककडंच वेगेण गंतुं पवत्तं जाणवत्तं । इओ य सो नरविकमकुमारो अचंतं तदणागमणकालविलंबुविग्गचित्तो इओ तओ सीलमई पलोइउं पवत्तो, तं अपेच्छमाणेण य तेण पुट्ठा पाडिवेसिया, अवलोइओ रायमग्गो, सम्मं निरिक्खिया तियचउक्कचच्चरा, अवलोइयाई सयलदेव उलभवणकाणणाई, निवेश्या बत्ता पाडलयमालागारस्स, तेणावि सङ्घायरेण गवेसिया सीलमई सङ्घट्टाणेसु, कत्थविय पउत्तिमपावमाणेण सिग्धमेव नियत्तिय भणिओ कुमारो - महायस! धीरो भव, परिचयसु कायरत्तं, कुमारेण भणियं-भद्द ! न किंपि मम कायरत्तं केवलं एए बालए जणणी विओगवसविसंडुलं रोयमाणे न सक्केमि पेच्छिउं, पाडलेण भणियं एवं ठिएवि पुरिसाय (सयार ) त्तं कायचं, ता
For Private and Personal Use Only
