________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandr
नियसामत्थंति, जं देवो आणवेइत्ति भणिऊण ते गया कुमारसमीचे, निवेइओ तस्स नीसेसवइयरो, अच्भुवगओ कुमारेण, ततो बीयदिवसे आढत्तो अक्खाडयपरिक्खेयो निबद्धा मंचा परमकोऊहलाउलिजमाणमाणसो मिलिओ नयरजणो, ठिओ मंचमि संतेउरो नरवई, आरूढा य एकदेसंमि चेडीचकवालपरिबुडा पाणिपइट्ठियलठ्ठपप्फुलफुलमाला सीलमई रायसुया, पडिक्खलिओ सवत्थ जणसंचारो, कओ अंगरक्खेहिं परिक्खेवो, वज्जियं पलयकालगजंतप क्खुहियपुक्ख लावत्तपगजिररवगंभीरं चउद्दिहमाउजं, जाओ अवसरो, मंचाओ तओ कुमारो गादुप्पीडियनियं|सियकडिल्लो दढबद्धकेसपासो पमुक्काभरणसंभारो कुलथेरीकयरक्खो जलणुब्भडगुरुपयावदुप्पेक्खो संनिहियपाडिहेरोध भासुरो झत्ति अवयरिओ, तहा
कंठत डुब्भड परिहियपयतलवि लुलंतविमलवणमालो । आवद्धमलवलओ गजंतो लयमेव ॥ १ ॥ मयभिंभलरत्तच्छो गबुद्धुरकंधरो तुरियचवलं । पेच्छयजणपरियरिओ संपत्ती कालमेहोवि ॥ २ ॥
रे महः ! मेल हुं पुवज्जियविजयगवमेत्ताहे । अणुसरसु ममं सिग्धं अह भणिओ सो कुमारेण ॥ ३ ॥ सोउं कुमारवयणं जरोध गद्दो झडत्ति तस्स गओ । अणुचिंतिउं च लग्गो जुत्ताजुत्तं सबुद्धीए ॥ ४ ॥ कहं ? - जइ एस मए विजिओ एसजणाओ तहावि नो कुसलं । अह एएण जिओऽहं वित्तिच्छेओ तओऽवस्सं ॥५॥ अतुलबलविक्कमस्स उ इमस्स विजएऽवि मज्झ संदेहो । ता उभयपासरज्जुछ संकडं एयमावडियं ॥ ६ ॥
For Private and Personal Use Only
