________________
Acharya Shri Kailassagarsuri Gyanmandir
Shri Mahavir Jain Aradhana Kendra
www.kobatirth.org
#ASEKHARHACHISAG
इयाणि चेव पसूया देवी चंपयमाला, जाओ य समुजोतियसयलदिसामंडलो तेयरासिष पुत्तोत्ति, इमं च सोचा नरि-2 देण दिन्नं तार्सि भूरि पारिओसियं, कयो दासित्तविगमो, आहूया पहाणपुरिसा, समादिट्ठा य जहा पयट्टेह नीसेस नयरीए तियचउक्कचच्चरेसु खंदमुगुंदरिंदगयमुहमंदिरेसु य परममहूसवं, वियरह अणिवारियपसरं कणयदाणं मुयह चारगाहिंतो जणंति वुत्ते जं देवो आणवेइत्ति भणिऊण पुरीए पारद्धं तेहिं वद्धावणयं । कहं चिय?,-पंचप्पयारवनयविरइयसुपसत्यसत्थियसमूह । विक्खित्तक्खयदोवापवालसोहंतमहिवीढं ॥१॥
रहसपणचिरतरुणिगणवच्छत्थलतुट्टहारसिरिनियरं । अन्नोन्नावहरियपुषणपत्तवटुंतहलबोलं ॥२॥ पडिभवणदारविरइयवंदणमालासहस्सरमणिजं । कमलपिहाणामलपुन्नकलसरेहंतगेहमुहं ॥३॥ वजंताउज्जसमुच्छलंतघणघोरघोसमरियदिसं । चिन्ताइरित्तदिजंतदविणसंतोसियत्थिगणं ॥४॥ पमुइयनीसेसजणं कुलथेरीकीरमाणमंगलं । इय नरवइकयतोसं वद्धावणयं कयं तत्थ ॥५॥
एत्यंतरे मंतिसामंतसेणावइसत्यवाहपमुहा पहाणलोया गहियविविहतुरयरयणसंदणपमोक्वविसिढवत्थुवित्थरा देंगंतूण नरवई वद्धाविसु? | इओ य सो घोरसिवो विजाहरेहिं नेऊण समप्पिओ जयसेहरस्स कुमारस्स, तेणावि पिउणोष गुरुणोच तदागमणे कओ परममहूसवो, पुट्ठो य एसो पढमदंसणाओ आरम्भ सबवुत्तंतं, धरिओ पहाणविलेवणभोयणदिवंसुयदाणपुरस्सरं
ISKE
For Private and Personal Use Only
