________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| चेयणा उम्मीलियं नयणनलिणं अवलोइयं दिसिमंडलं आलविओ पासवत्ती परियणो-भो भो महायस ! कहमहमिह महीवट्टे निवडिओ ?, कत्थ वा वेरिविजाहरो ?, को वा एस देसो ?, किंणामं इमं नयरं ? को वा एसो छत्तच्छायानिवारियरविकरपसरो परिचलंतधवलचामरजुयलो मज्झकए नरनियरं वावारिंतो पुरो संठिओ चिट्ठह महायसो नराहिवइत्ति ?, इमं च सोचा निवेइयं से परियणेण गयणपडणाओ आरम्भ सर्व जहावित्तंति । तओ सो खयरो दीहं नीससिय मम पच्चासन्ने ठाऊण जोडिय करसंपुढं विन्नविउमादत्तो- महाभाग ! धन्ना सा महिमहिला जीसे तं पई कयलक्खणा इमे भिच्चा सेवंति जे तुह चरणकमलं धन्ना ते सुहडा जे तुह कज्जे तणं व नवि गणंति नियजीवियं, अहो ते परोवयारित्तणं अहो सप्पुरिसकम्माणुवत्तित्तणं अहो नियकज्जनिरवेक्खया अहो सरणागयवच्छलत्तणं, न सवहा मम मणापि पीडमुप्पाएर सत्तुपराभवो जं तुमं सयमेव पुरिसरयणभूओ दिट्ठोसि, मए भणियं महाभाग ! अणवेक्खियजुत्ताजुत्तवियारो हयविही जं तुम्हारिसाणवि निवडंति एरिसीओ आवयाओ, अगणुभूयपुत्रमवि पार्वति विसमं दसाविवागं, सबहा असरिसमिमं जेण न कयाई रंभाथंभो सहइ मत्तमायंग गंडयलकंडूवुच्छेयं, (न रेहइ जुज़माणो मुणालतंतू) पासंमि, को पुण साहेसु एत्थ वइयरो ?, खयरेण भणियं किमेत्थ कहियवं ?, पञ्चकखमेव दिठ्ठे महाणुभागेणं, मए भणियं-सम्मं निवेएसु, खयरेण भणियं-जइ कोऊहलं ता निसामेसु -
कलहोयकूलकोडीविराइओ रयणकोडिविच्छुरिओ । वेयहगिरी तुमएवि निपुणिओ भरहखेत्तंमि ॥ १ ॥
For Private and Personal Use Only
