________________
Shri Mahavir Jain Aradhana Kendra
१४ महा०
www.kobatirth.org
Acharya Shri Kailassagarsuri Gyanmandir
अत्थि सुरसरितुसारपवित्तपरिसरुद्देसं विविहावणभवणमालाविभूसियं समूसियसियवेजयं तीरेहंतसुरमंदिर सिहरं सिरिभवणं नाम नयरं, तत्थ य पयंडमायंडमंडलुद्दामपयावपरिसोसियविपक्खजलासओ अणेगस मरवावारविदत्तजसो अवंतिसेणो नाम राया अहेसि, जस्स विजयजत्तापत्थियस्स पत्थिवसहस्ताणुगम्ममाणमग्गस्स उद्दंडपुंडरीयपंडुरच्छत्तच्छाइयगयणाभोगा नट्ठदिवसावगासव सोहंति दस दिसाभागा, जस्स य गज्जंतमत्तकुंजरगंडत्थलगलंतनिरंतर मयजलासारजायदुद्दिगंधयारभीयाभिसारियव अणुसरह कवाडवियर्ड वच्छत्थलं रायलच्छी, जस्स चउबिहाउज्जघोरघोसं मेहोहरसियंपिव सोऊण दूरं पलायंति रायहंसा, जस्स समरंगणेसु रोसारुणाओ पडिसुहडेसु पडिबिंबियाओ पप्फुलसुकुमार करवीरकुसुम मालाउब रेहिंति दिट्ठीओ, तस्स य नियरूवलावन्नजोधणगुणावगणियरइप्पवायाओ नीसेसपणइणीपहाणाओ दुवे भारियाओ अहेसि, पत्तलेहा मणोरमा य, पढमाए जाओ अहमेको पुत्तो वीरसेणो नाम, बियाए पुण विजयसेणोत्ति, गाहिया दोऽवि अम्हे धणुवेयपरमत्थं कुसलीकया चित्तपत्तच्छेयविणोएसु सिक्खविया य खेडयखग्गगुणवणियं जाणाविया महल्लजुद्धं, किं बहुणा ?, मुणाविया सङ्घकलाकलावं, अन्नया य उचिओत्ति परिचिंतिय ठाविओऽहं ताएण जुवरायपए, दिन्ना य मज्झ लाडचोडमरहट्ठसोरट्ठपमुद्दा देसा कुमारभुत्तीए, परिपाले मि जुवरायत्तणं, मर्मपि अणुमग्गमणुसरह सुहडाडोवसंकुडा पगलंत गंडत्थला दप्पुदुरसिंधुरघडा, ममावि मग्गओ धावंति तरलतरतुरंगपहकरा, मज्झंपि परसुसेलचंडगंडी वसरविस रकुंतगयापहरणहत्थाइं वित्थरंति चउद्दिसिंवि पुरिसबलाइंति,
For Private and Personal Use Only
