________________
Shri Mahavir Jain Aradhana Kendra
www.kobabirth.org
Acharya Shri Kailassagarsuri Gyanmandir
नरविक्रमचरित्र
श्रीगुणचंद है इमं च सोचा नंदणनराहिवेण जंपियं-भयवं! को एस नरसीहो? को वा तस्स सुओ नरविकमो? कहं वा महावीरच०एसो रजदुर्ग लणवि पब्बजं पवन्नोत्ति सवित्थर साहेह, महंतं मे कोउगं, सूरिणा जंपियं-निसामेहि। ४प्रस्ताव:
अस्थि कुरुविसयतिलयभूया अदिट्ठपरचक्कभया जणनिवहाणुगया जयंती नाम नयरी, ॥७२॥ पालेइ तं च ससहरसरिच्छपसरंतकित्तिपन्भारो। निप्पडिमपयावकंतसत्तुपणिवइयकमकमलो ॥१॥
उत्तुंगतुरयसिंधुरपक्कलपाइकचकबलकलिओ। सक्कोव्व सुरपुरि परमविक्कमो राय नरसिंघो ॥२॥ विसमच्छो इत्थीलोलुओ य दुग्गावबद्धनिचरई । जस्स हरोऽविन सरिसो तस्स समं कं जणं भणिमो ॥३॥
तस्स य नीसेसअंतेउरप्पहाणा वयणलायण्णावगणियपडिपुण्णचंदमंडला सललियवेलहलगइविजियरायदहंसा कुम्मुण्णयकमलकोमलपाडलचलणजुपला रायहाणिव्य मयरद्धयनरनाहस्स विसालसालब्ब विमलसीलसाली
णयामहामोलभंडस्स मंजूसव्य सन्वरइसोक्खमणिखंडभंडारस्स चंपयमाला नाम भारिया अहेसि, जीसे भंगुरत्तणं तिरिच्छच्छिविच्छोहेसु न धम्मकम्मुच्छाहेसु तरलया विमलमणिमुत्ताहारे न विसिट्ठलोयववहारे तणुत्तमुदरस्स न सरस्स कुडिलतं केसकलावस्स न सप्पणयालावस्स, अवि यनियरूवविजियसुरवहुजोवणगवाए कुवलयच्छीए । उन्भडसिंगारमहासमुद्ददुद्धरिसवेलाए ॥१॥ को तीए भणियविम्भमनेवत्थच्छेययागुणसमूहं । वण्णेउ तरइ तुरंतओऽवि जीहासएणंपि? ॥२॥
KARNAKRA
॥७२॥
For Private and Personal Use Only
