________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
वजसूलतिक्खखग्गभिज्जमाणंगो अइदीणकरुणसई पइक्खणं विलवमाणो य । किं पुत्वभवंमि मए कयंति जेणेरिसंमि ठाणमि । निचंधयारतमसे उववन्नो कुच्छणिजंमि ॥१॥ एवं विचिंतयंतो खणे खणे घोरवेयणाभिहओ। पजलियगेहमज्झप्पविट्ठपंगुव विलवेइ ॥२॥ अयलोऽवि कयतप्पारलोइयकायचो गाढसोगाभिभूओ सुसाणं व भवणं मन्नमाणो अदिठ्ठपुवयं पिव पियजणं च अवगणितो विसं विसयं मन्नमाणो बंधुणो बंधणं परिकप्पेमाणो पवरतरुसंडमंडिए नंदणवणे कमलकुवलयकल्हारबंधुरासु सरसीसु सिंगारागारचारुवेसासु अंतेउरीसु खणंपि चक्खुमक्खिवतो कत्थवि रइं अलभर्माणो अञ्चतं संसारासारयं भावेतो सेयंसतित्थयरुवइट्ठधम्मवयणाई चिंतितो वइरिभवणं व गिहावासं परिचइउकामो सयणोवरोहण कइवयवासराई ठाऊण गओ धम्मघोसायरियसमीवे, वंदिओ परमाए भत्तीए, सूरिणाऽवि दिवणाणेण णाऊण तस्साभिप्पायं समारद्धा धम्मदेसणा, जहा
खणसंजोगविओगं खणपरियतविविहसुहदुक्खं । नडनचियत्र संसारविलसियं चित्तरूवधरं ॥१॥ दहण को पमायइ जिणिदधम्ममि सोक्खहेउम्मि? । अचंतवल्लहे वा मयंमि को सोयमुषहद? ॥२॥ जइ एगस्सेव भवेज एत्थ वल्लहजणेण सह विगमो । ता परिभवोत्ति काउं सोगोऽवि जण कीरेजा ॥३॥ जाव य समग्गभरहाहिवावि भरहाइणो कयंतेगं । विज्झविया दीवा इव पवणेण पयंडवेगेण ॥४॥
HAMARACC4BCLASSISEX
For Private and Personal Use Only
