________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
RECENSESASARASAX
संतोसं च निसेवह परपरिवायं कयावि माऽऽयरह । ईसरिए मा म(जह मा र)जह पावकजेसुं॥८॥ दाणाईसु पयट्टह सेवह सुविसुद्धबुद्धिणा गुरुणो । परउवयारे गिज्झह मा मुज्झह बुज्झह सतत्तं ॥९॥
एवं च भगवओ धम्मकहमायन्निऊण हरिसुप्फुललोयणेहि केहिंचि परिचत्तपुत्तकलत्तेहि पडियन्ना सबविरई, केहिंवि परिग्गहियं सम्मइंसणं, अन्नेहिं अंगीकया देसविरई, अन्ने य छिन्नसंसया जाया बहवे पाणिणो, हलहरनारायणहिंवि अणाचक्खणिजं पमोयभरमुबहंतेहिं पडिवन्नं सम्मत्तरयणं । अह समइकंताए पोरिसीए वंदिऊण जयगुरुं गया निययावासं । भयपि अन्नत्थ विहरिओ । एवं च वचंतंमि काले अचंतसुहसागरावगाढस्स तिविठुराइणो एगया समागया परिभूयकिन्नरकंठा गायणा, तेहि य पदंसियं गीयकोसलं, हरियं हिययं तिविहस्स, अन्नं च-गीउग्गारो तेसिं जस्स मणागपि विसइ सवर्णमि । उज्झियनियवावारो चित्तलिहिउब सो सुणइ ॥१॥ __ अच्छउ रे एवं तिरियाविहु तेसि गेयवसणेणं । निम्मीलियच्छिणो उच्छहंति नो भोयणाईसु ॥२॥ एवंविहसुस्सरयागुणेण हरिस्स ते सयावि पासवत्तिणो परमप्पसायठाणं जाया। .
अन्नया य सुसेजानिसन्नस्स वासुदेवस्स रयणीसमए समारद्धं तेहिं गेयं, जणिओ बाढं चित्तस्स अक्खेवो, निहागमणकाले य निरूविओ वासुदेवेण सेजावालो,जहा-मद्द! जया मम निद्दा एइ तया इमे गायणा तुमं विसजेजासि,जं देवो आणेवइ तं करिस्सामित्ति पडिवजिय सेजावालेणं, खणंतरेण य आगया राइणो निहा, तेऽवि अविसजियत्ति तहेव
For Private and Personal Use Only
