________________
Shri Mahavir Jain Aradhana Kendra
www.kobatirth.org
Acharya Shri Kailassagarsur Gyanmandir
846:'--SACSATSANSAR
सायरमिलंतसुरिंदंसंदोहथुणिजमाणो उवविट्ठो सिंहासणे जिणो,एत्यंतरे जिणागमणनिउत्तपुरिसेहिं वद्धाविओ तिविह, कहिओ जिणागमणवइयरो, तओ हरिसभरसमुल्लसंतरोमंचेण य दवावियं पीइदाणं सहदुवालसकलहोयकोडीओ तेर्सि पुरिसाणं, समग्गबलवाहणो अचलेण समेओ य गओवासुदेवो वंदणवडियाए, छत्ताइच्छत्तपमुहं जिणाइसयमवलोइऊण परिचत्तसयलरायचिंधो दूराओ चिय पयचारेण गंतूण तिपयाहिणापयाणपुवयं जयगुरुं नमंसिऊण एवं थोउं पवत्तो
जय संसारमहोयहिपडंतजणजाणवत्त! जयनाह ! । परमसिवमोक्खकारण! रणवज्जिय! विजियमयमाण! ॥१॥ निम्महियमोहमाहप्प ! दुटुकंदप्पदप्पनिद्दलण!। मायाविसवलिविणासपरसु जय जय जयप्पवर। ॥२॥ जय संजमसिरिवलह कोहमहाजलणसजलजलवाह! जय निम्मलकेवलकलियसयलजीवाइयपयत्थ! ॥३॥ जय विण्डुकुलंबरपुण्णचंद! सुररायनमियपयकमल!| निप्पडिमपसमवरपुरपायार! गुणोहसाहार! ॥४॥ जय करुणामयसारणिसरिच्छ! निच्छिन्नकम्मदुममूल!। दुहसेलदलणदंभोलिसरिसनामग्गहण! देव! ॥५॥ नाह ! तुह पायपंकयममंदमयनिवहतंतिमयरंदं । फुलंधयं व धण्णो सयाऽवितण्हो समलियइ ॥६॥ को तुह जिणवर! वयणं अमयं व समत्थदोसहरणखमं । पाऊण कुतित्थियवककलुससलीलं समीदेइ ॥७॥ जइविहु दूरमसारो संसारो तहवि देव! तुम्हेहिं । विहरतेहिं मुणिजद सारो निन्वुइपुरीमोऽवि ॥८॥ आसग्गीवाइनरिंदविजयलाभाइ(भेऽवि)नेरिसो नाह! | जाओ ममप्पमोओ जह दसणमेत्तमओ तुझ ॥९॥
११ महा.
For Private and Personal Use Only
