________________
Acharya Shri Kailassagarsuri Gyanmandir
Shri Mahavir Jain Aradhana Kendra
www.kobatirth.org
BECAUSESSAG
हे काल! बद्धवरवंसजाय तुज्झवि गुणेण किं तेण । हा हा रक्खामणिणो वीसत्थविणासगा तुम्भे ॥ ४ ॥ धीधी पुरोहियाहम! चिरकालं तप्पियं तए जलणं । निल्लज्ज ! कहसु संपइ असिवं किं जं पडिक्खलियं? ॥ ५॥ हे अंगरक्खवग्गा! तुम्भेऽविहु कीस संपइ पलाणा ? । हा हा एगपए चिय सबंपि परंमुहं जायं ॥६॥ हा पाणनाह ! संपइ पडिहयपडिवखसुहडलक्खंमि । तुमए सग्गोवगए तडकिही कस्स जयढका? ॥७॥ हा रायलच्छि! वेहब्बसिए कीस जीवसि इयाणि ? । इहराणुहवसि दुक्खं दूमिजंती कुनाहेहिं ॥८॥ इय विलविरीहिं निद्दयताडियथणवतुट्टहाराहिं । वेहव्वदुक्खभरभजिरीहिं पल्हत्थवलयाहिं ॥९॥ अणवरयघोरगलियंसुवाहं रुन्नं तहा मयच्छीहि । जह तद्देसगएणं रुन्नं पक्खीणवि गणेणं ॥१०॥ ताहेऽणुजीविणा परियणेण पम्मुक्कपोकरनेण । आसग्गीवसरीरं खित्तं जालाउले जलणे ॥ ११ ॥
एत्यंतरे अंतेउरीजणवेहव्वदुक्खमसहमाणोव्व पयंडरणकम्मदंसणभयभीओब तिक्खासिखंडियहयरुंडावलोयणु-६ त्तट्टरहतुरंगोव्य समीरणुदुयरुहिरसीयरासारसंसित्तोब्व आलोहियमंडलो झडत्ति चक्खुगोयरमइकंतो सहस्सकिरणो, गवलगुलियालिवलयकज्जलतिमिरपडलपडकयावगुंठणा फुरंततारनयणा अणवरयनिवडतउक्काफुलिगुग्गारच्छलेण मणोइरित्तपरिपीयसुहडजणरुहिरगंडूस व मुयंती महारक्खसिब भयजणणी पसरिया रयणी, ठिओ नियनियट्ठाणेसु जणो, कमेण य जाए पहायसमए भणिया तिविद्रुणा नियपुरिसा-भो भो गच्छह संगामभूमि,
ACASSA
For Private and Personal Use Only
