________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
रत्तणं अहो दइवविपरंमुहया, सव्वहा निरत्थयमुबूढो सारंगरायसद्दो एत्तियं कालं, दुहु दुहु एरिसजीविएणंति, एवं च तस्स फुरुफुरायमाणस्स मुणियतदभिप्पाएण कुमारसारहिणा भणियं महुरसरेणं
भो भो लीलानिद्दलियमत्तमायंगपुंगवसमूह ! । सारंगराय ! निप्पडिमसत्तिवित्तासियविपक्ख ! ॥ १ ॥ अविलंघियसज्जियकमनियबलपरिभूयनरवइसहस्स ! सप्पुरिस ! कीस एवं निरत्थयं अमरिसं वहसि ? ॥ २ ॥ मा मुसु जहा एएण बालरूपेण विणिहओऽहमिह । जं एसो नियकुलनहयलेकचंदो जणाणंदो ॥ ३ ॥ वररायलक्खणधरो समग्गवीरग्गणी गुणावासो । निडुरभुयदंडवलो तिविदुनामो वरकुमारो ॥ ४ ॥ भावी भरहद्धवसुंधराऍ सामित्तणेण परिकहिओ । पढमं चिय सुमिणयपाढएहिं किर वासुदेवोत्ति ॥ ५ ॥ तं मिगसीहो भद्दय ! एसो पुण नरसमूहसीहोत्ति । सीहे सीहेण हए का अपसिद्धी ? किमवमाणं १ ॥ ६ ॥
अह सो केसरी इमाणि सारहिवयणाणि महुमिव अमयंपिव सवणपुडएहिं सम्मं पाऊण उवसंतचित्तो मरिऊण नरगे नेरइओ उबवन्नो । सो य किर सारही एस काले भगवओ महावीरस्त पत्ततित्थयरत्तस्स पढमो गणहरो गोयमनामो भविस्सर । तिविद्रुकुमारोऽवि तं सीहचम्मं गहाय पट्टिओ सनयराभिमुहं, गच्छंतेण य भणिया करिसगा, जहा -रे इमं केसरिचम्मं गेण्हिऊण समप्पेज्जह घोडयगीवराइणो, भणेज्जह य तं जहा - वीसत्थो निब्भओ भुंजेसु सालिभोयणं, जायं संपइ अणावार्हति । पडिवन्नं च करिसगेहिं, तिविहूषि मओ सनमरंति, पयावई पण
For Private and Personal Use Only
