________________
Acharya Shri Kailassagarsuri Gyanmandir
Shri Mahavir Jain Aradhana Kendra
www.kcbatirth.org
READARS
नायं च जहा पुवागएहि सिट्ठो स वइयरो रन्नो। ताहे कयप्पणामो उपविट्ठो सो नियट्ठाणे ॥२॥ पुट्ठो य तओ रन्ना कहिओ नीसेसवइयरो तेण । जह कुमरेहिं पहओ अयाणमाणेहि निरवेक्खं ॥३॥ जइबिहु देवऽवरद्धं बालत्तणओ सुएहिं मम किंपि । तहवि पयावइनिवई अहिगं सोगं समुबहइ ॥४॥ चूडामणिव सीसेण सासणं तुम्ह धरइ विणयनओ। निभिच(भंत)भिचभावं सविसेसं दंसह सयावि ॥५॥ न मुणिजइ जुबईणं मंजीररवो कयावि तस्स गिहे । मागहलोएणं तुह गुणनिवहं संथुर्णतेण ॥६॥ किं बहुणा ? महिवइणो मए सुदिट्ठा कया समग्गा । किं तु नियसामिभत्तीऍ तुलइ नो कोऽवि तेण समं ॥७॥
अह आसग्गीवनरिंदेण सुमरियं नेमित्तिगवयणं परिकंपिओ मणेणं, चिंतियं च-अहो निव्वडियं ताव एग नेमित्तिगवयणं, बीयपि जइ इत्थमेव हवेज ता निच्छियं अकुसलंति परिभाविऊण आहूओ अवरो दूओ, भणिओ य जहागच्छसु रे पयावइस्स सगासे, भणसु र तं मम वयण-जेग सालिच्छे तेसु करिज्जमाणेसु सबलवाहणो गंतूग केसरि परिक्खलहत्ति, जं देवो आणवेइत्ति भणिऊग निग्गओ दृओ, कमेण पत्तो पयावइस्स भवणं, सकारिओ रण्णा, पुट्ठो, य आगमणपयोयणं, साहियं च तेण सीहरक्खणरूवं नरिंदसासणं, अन्भुवगयं च पयावइगा, सटाणे य पेसिऊग दूयं एवं उवालद्धा कुमारा
पुत्ता! अकाल एव हि तुम्हहिं पबोहिओ धुर्व मन् । आसग्गीवनरिंदस्स धरिसिओ जमिह सो दूओ ॥१॥
For Private and Personal Use Only
