________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
... २८ ...
२. सीयाहरणं।
सा तत्थ रुवइ भवणे चंदणहा विगलियंसुसलिलोहा । विलिहियनहकक्खोरू विमुक्ककेसी य रयमइला ॥१॥ खरदूसणेण दिट्ठा मलिया नालणि व्व गयवरिंदेण । भणिया य साहसु तुमं केणेयं पाविया दुक्खं ॥ २ ॥ भणइ तओ चंदणहा गया य पुत्तं गधेसणट्ठाए । नवरं पेच्छामि वणे छिन्नसिरं तं महिं पडियं ॥३॥ मारेऊण मह सुयं केण वि पावेण सूरहासं तं । गहियं च सिद्धविज्ज खेयरपुज्जं महाखग्गं ॥४॥ अहमवि तं पुत्तसिरं अंके ठविऊण सोगतवियंगी । बहुला व जह विवच्छा रुयामि रणे विगलियंसू ॥ ५ ॥ ताव च्चिय तेण अहं दुट्टेणं पुत्तवेरिएण पहू। अवगृहिया रुयंती धणियं कज्जेण केणं पि ॥६॥ अहयं अणिच्छमाणी दंतेसु नहेलु तेण पावेणं । एयारिसं अवत्थं एगागी पाविया रणे ॥७॥ तत्तो वि रक्खिया है परभवजणिएण पुण्णजोएणं । अविखंडियचारित्ता कह वि इहं आगया सामी ॥ ८॥ विज्जाहराण राया भाया मे रावणो तिखण्डवई । दूसण तुमं पि भत्ता तहवि इमं पाविया दुक्खं ॥ ९॥ सुणिऊण तीऍ वयणं सोगाऊरियमणो तहिं गंतुं । खरदूसणो विवन्नं पेच्छइ पुत्तं महीपडियं ॥ १० ॥
For Private And Personal Use Only
