________________
Shri Mahavir Jain Aradhana Kendra
www.kobatirth.org Acharya Shri Kailassagarsuri Gyanmandir
आचार्यश्रीभ्रातृचंद्रमरि ग्रन्थमाला पुस्तक ५१ मुं १३९ भावं अथित्ति वयति, सव्वं पथिभावं नथ्थित्ति वयति, सुचिण्णा कम्मा सुचिण्णफला भवंति, दुचिण्णा कम्मा दुचिण्णफला भवति, फुसइ पुण्णपावे, पच्छायति जीवा सफले कल्लाणपावए, धम्ममाइक्खति । इणमेव निग्गंथे पावयणे सच्चे अणुत्तरे केलिए संसुद्धे पडिपुणे णेयाउए सल्लगत्तणे सिद्धिमग्गे मुत्तिमग्गे निवाणमग्गे णिजाणमग्गे अवितहमसंदिद्ध सबदुक्खपहीणमग्गे, इथ्यं ठिया जीवा सिझंति, बुझंति, मुच्चंति. परिनिव्वायंति, सम्बदुक्खाणमंतं करंति, एगच्चा पुण एगे भवांतरे पुवकम्मावसेसेणं अण्णुत्तरेसु देवलोएसु देवत्ताए उववत्तारो भवंति । महिड्दिएसु जाव महासुक्खेसु दूरंगतिएम चिरठितिएसु तेणं तथ्य देवा भवंति, महिडिढया जावचिरहितिया हारविराइयवच्छा जाव पभासेमाणा कप्पोवण्णा गतिकल्लाणा आगमेमि भद्दा जाव पडिरूवा, तमाइक्खति । एवं खलु चउहि ठाणेहिं जीवा नेरइयत्ताए कम्मं पकरंति नेरइयत्ताए कम्म पकरेत्ता, नेरइएसु उववज्जति तं० महारंभयाए महापरिग्गहाए पंचिदियवहेणं कुणिमाहारेणं, एवं एतेणं अभिलावेणं तिरिक्खजोणिएसु, माइल्लयाए, नियडिल्लयाए, अलियवयणेणं, उक्कचणयाए, चंचणयाए, मणुस्सेसु पगतिभद्दयाए पगतिविणीययाए सानुकोसयाए अमच्छरियाए, देवेसु सरागसंजमेणं, संजमासंजमेणं, अकामणिज्जराए, बालतवो कम्मेणं, तमाइक्खति । गाथा-जह णरगा गम्मतो, जह गरगा जातवेदणा णरए।
For Private And Personal Use Only
