________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
*
*
*
*
* पाययकुसुमावली
‘कम्हीरभूमिनाहो इमो महिंदो महिंदसमरूवो । कुंकुमकेयारेसुं कीलिउकामा इमं वरसु ।'
कुमरोए वुत्तं-- भद्दे, तुसारसंभारभीरुयं मे सरीरयं]। किं न तुमं जाणसि । तो इओ गच्छामो' त्ति भणती गंतुण अग्गओ भणिउं पवत्ता पडिहारी -
'एसा निवो जयकोसो कोसंबीए पहु पउरकोसो। मयरद्वयसमरूवो किं तुह हरिणच्छि हरइ मणं ।।
कुमरीए वुत्तं- 'कविजले, अइरमणीया वरमाला विणम्मविया ।' भद्दाए चिंतियं- 'अप्पडिवयणमेव इमस्स नरिंदस्स पडिसेहो।' तओ अग्गे गंतूण वुत्तं भद्दाए
'कलयंठकठि कंठे कलिंगवइणो जयस्स खिव मालं । करवालराहुणा जस्स कवलिया वेरिजसससिणो॥'
कुमरीए बुत्त-तायसमाणवयपरिणामस्स नमो एयस्स।' तओ भद्दाए अग्गओ गंतुण भणियंत
‘गयगमणि वीरमउडो गउडबई तुज्झ रुच्चइ किमेसो। जस्स करिनियरघंटारवेण फुट्टइ ब बंभंडं ।'
कुमरीए जंपियं-'अम्मो ! एरिसं पि कसिणभेसणं माणसाणं रूवं होइ ति तुरियं अग्गओ गच्छ । वेवइ मे हिययं ।' तओं ईसि हसंती गया अग्गओ भद्दा जंपिउं पत्ता
For Private And Personal Use Only
