Page Text
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir भाज्या. मुळ्याच्या शेंगांची भाजी- ही माजी घेवड्याच्या भाजीप्रमा णच करावी. मेथीची भा०-माठाच्या भाजीप्रमाणे मोकळी व गरगटी करावी. प्रकार दु०-मेथीची चिरलेली भाजी एकशेर घेऊन तीत हारबयाची दाळ भिजलेली एक मुठभर घालावी आणि पावशेर पाणी घालून शिजत ठेवावी. वर पाण्याने भरलेले भांडे झांकण ठेवावें. थोडी शिजली ह्मणजे हारबऱ्याचे दाळीचे पीठ एक तोळा व कणीक आडीच तोळे आंत घालून पळीने गरगटावी. नंतर बारीक मीठ दीड तोळा व तांबडे तिखट एक तोळा व उन पाणी दोन तोळे आंत घालून खाली मंदाग्नि लावावा. थोडा वेळ शिजली झणजे पळीत फोडणी तयार करून भाजी खाली उतरून फोडणी द्यावी. मोहरीची भा०--मोहोरीच्या पाल्याची भाजी माठाच्या भाजी. प्रमाणे करावी. राजगिऱ्याची भा०--राजगिऱ्याच्या पाल्याची भाजी माठाच्या भाजीप्रमाणे करावी. वांग्यांची भा०--वांग्याचे देठ काढून एकशेर फोडी चिरून ध्याव्या. तांबडे तिखटाचे ऐवजी तीन तोळे मसाला घालावा. गूळ मात्र घालू नये. बाकी सर्व कति तांबडे भोपळ्याचे भाजीप्रमाणे करावी. वांगी मसाल्याची.-लहान कोवळी एकशेर वांगी घेऊन देंठ काढून टाकावे व एकेक वांग्याच्या चार चार फांकी करून सबंध वांगें राहू द्यावे. याप्रमाणे वांगी चिरून थोडा वेळ पाण्यांत राहूं द्यावी. नंतर मसाल्याची कारली करण्याची कृति वर सांगितली आहे त्याप्रमाणे मसाला तयार करावा. मीठ मात्र दोन तोळे घ्यावे. नंतर पाण्यातून वांगी काढून झाडून आंतील पाणी सर्व नाहीसे करावें. नंतर तो तयार केलेला मसाला आंत भरावा. बाकी सर्व कति मसल्याची कारली करण्यास सांगितली आहेत त्याप्रमाणे वांगी तयार करावी. For Private And Personal Use Only
| SR No. | 020524 |
| Book Title | Paksara |
| Original Sutra Author | N/A |
| Author | |
| Publisher | |
| Publication Year | 1890 |
| Total Pages | 77 |
| Language | Marathi |
| Classification | Book_Other |
| File Size | 5 MB |