Page Text
________________ Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir भाज्या, फोडी एकशेर घ्याव्या. नंतर चुलीवर पातेले ठेवून ते थोडे तापले झणजे त्यांत तूप अथवा तेल दोन तोळे घालावे ते तापलें ह्मणजे फोडणीचे मिसळण घालावें. फोडणी खरपूस झाली ह्मणजे त्यांत त्या फोडी फोडणीस टाकाव्या. नंतर पाउण तोळा तिखट, दीड तोळा मीठ घालून ते पातेले आसडावे व पाण्याने भरलेले भांडे त्याजवर झांकण ठेवावे. भोपळा गोडीस कमी असल्यास एक तोळा गूळ. एक वाफ आल्यावर आंत घालावा आणि खाली मंदामि लावावा. थोड्या वेळाने ती भाजी शिजली ह्मणजे त्यांत एक तोळा कोथिंबीर बारीक चिरून घालावी व पाहिजे असल्यास दोन तोळे खोबऱ्याचा कीस आंत घालून पळीचे दांव्याने ढवळून थोडे आंत पाणी आहे तोच खाली उतरून ठेवावी. माठाची भा०-माठ बारीक चिरून एक शेर भाजी घ्यावी व पातेल्यांत फोडणीस टाकावी.नंतर एक तोळा मीठ व अर्धा तोळा तांबडे तिखट घा. लून ते पातेलें आसडावें व खालीं मंदाग्नि लावून वर कोरडे झांकण ठेवावें थोड्या वेळाने शिजली ह्मणजे खाली उतरून ठेवावी. माठाची भाजी.-(गरगटी) एक शेर माठाचा पाला चांगला बारीक चिरून पाण्याने धुऊन काढावा. नंतर आंत पसाभर तुरीची दाळ घालून ती भाजी पातेल्यांत शिजत घालावी. व पावशेर पाणी घालून वर पाण्याने भरलेले भांडे झांकण ठेवावे. थोडे वेळाने आंतील दाळ व भाजी शिजली झणजे चार रुपयेभार हरबऱ्याचे पीठ आठ तोळे पाण्यांत कालवून आंत घालावे. नंतर एक तोळा तांबडे तिखट एक तोळा मीठ घालन पळीने गरगटावी. नंतर थोडा वेळ शिजली झणजे पळीत फोडणी तयार करून आंत घालावी व सारखी करावी. मुळ्यांची भा०–मुळे व पाला दोन्ही बारीक चिरून पाण्याने धुऊन टाकावा.अशी एक शेर भाजी घेऊन तींत हारबऱ्याची दाळ आतपाव घालावी व पावशेर पाणी घालून चुलीवर शिजत ठेवावी. एक कढआला ह्मणजे खाली उतरून पिळून काढावी. पुढे सर्व कृति केळफुलाच्या भाजीप्रमाणे करावी. For Private And Personal Use Only
| SR No. | 020524 |
| Book Title | Paksara |
| Original Sutra Author | N/A |
| Author | |
| Publisher | |
| Publication Year | 1890 |
| Total Pages | 77 |
| Language | Marathi |
| Classification | Book_Other |
| File Size | 5 MB |