Page Text
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir पोळ्या. रस पो०-आच्छेर रवा व आच्छेर पिठी असे एकशेर घऊन त्यांत पांच तोळे तूप घालून पाणी घालून चांगले घट्ट तिंबून ठेवावे. नंतर मोठ्या सुपारीयेवघ्या दोन गोळ्या घेऊन त्यांस तूप लावून एकावर एक अशा तीन चार ठेवून पोळी लाटावी. अगर वीतभर वाटोळ्या तीन चार पोळ्या लाट्न एकावर एक ठेवून चौघडी करून लाटावी. आणि चांगली वाटोळी रुंद झाली ह्मणजे पुन्हां चारी बाजूनी दुमड़न पुन्हां लाटून तव्यावर टाकावी. नंतर दोनशेर दूध पातेल्यांत घालन त्यास चार रुपयेभार खसखस भाजून बारीक वाटून लावावी आणि त्यांत साखर आच्छेर अथवा गळ आच्छेर घालून चांगली कालवून त्यांत वेलदोड्यांची पूड सहा मासे घालावी. नंतर तव्यावरील दोन्ही ही अंगांनी भाजून काढलेली उन उन पोळी त्या दुधांत टाकावी नंतर वाढावी. साखर पोळी.-गव्हाचा एकशेर रवा घेऊन त्यांत पांच तोळे तूप मोहोन टाकावें आणि आतपाव तांदळाचे पीठ घालून पाण्याने तो रवा भिजवावा. नंतर एक घटकेने पाटयावर वरवंट्याने कुटून नंतर दोन तोळे तांदुळाचे पीठ व चार तोळे तूप हे दोन्ही एकत्र करून चांगले फेसून कुटलेल्या रव्यास लावून तो रवा पुन्हां चांगला कुटावा. नंतर लहान लहान गोळ्या करून ओल्या फडक्याखाली झांकून ठेवाव्या. नंतर एक गोळी घेऊन तांदुळाची पिठी लावून पोळी सारखी पातळ लाटून तव्यावर टाकावी व लागलींच परतून टाकावी. नंतर साखर एकशेर, वेलदोड्याचे दाण्याची पूड एक तोळा व आतपाव खसखस भाजून याप्रमाणे तिन्ही पदार्थांचे मिसळण करून ठेवावे आणि त्यांतन थोडे मिसळण पोळीच्या मानाप्रमाणे घेऊन तव्यावर पोळी असतांना तिजवर घालून त्याजवर पळीने तूप घालावे आणि खतखतूं लागले झणजे ती पोळी तव्यावरच चोहोकडून दुमडून घडी करून काढावी. याप्रमाणे साखर पोळ्या तयार कराव्या. सांज्याची पो०-सांजा चांगला बारीक आच्छेर घेऊन त्यास दोन तोळे तूप चोळून थोडा थोडा भाजून काढावा. नंतर एकशेर पाण्याचे आधण ठेवून त्यांत ओतावा व पळीने सारखा करावा. तो थोडा शिजत For Private And Personal Use Only
| SR No. | 020524 |
| Book Title | Paksara |
| Original Sutra Author | N/A |
| Author | |
| Publisher | |
| Publication Year | 1890 |
| Total Pages | 77 |
| Language | Marathi |
| Classification | Book_Other |
| File Size | 5 MB |