Paksara

SR No.: 020524
Original Sutra Author: N/A
Publication Year: 1890
Total Pages: 77
Language: Marathi
Classification: Book_Other
File Size: 5 MB

Page 33

. पोळ्या. तोळा मीठ व चार तोळे तूप किंवा तेल घालून पाण्याशी भिजवून ती कणीक चांगली तिंबावी. नंतर त्याची एक गोळी घेऊन पाट्यावर ला. टावी. पापडा येवढा आकार झाल्यावर मध्ये तूप किंवा तेल लावून दुमडावी. पुन्हां तेल किंवा तूप लावून दुमडावी ह्मणजे दुसरी घडी घालावी व लाटून तव्यावर भाजावी. हिचे गुण मांड्यासारखे आहेत. आणि घडीची पोळी न करितां नुस्ती पोळी केली असतां ती बलकर, कफकारक, वातनाशक, जड, धातुवर्धक, पित्तनाशक, बृंहण, सारक अशी आहे. पुरण पो०.-एकशेर हारबऱ्याची दाळ घेऊन आडीच शेर आधणाचे पाण्यांत वैरावी. ती चांगली शिजली ह्मणजे त्यांतील पाणी वेळून काढावे. ते आमटीच्या उपयोगी पडते. नंतर त्या दाळी इतकाच गूळ किंवा फार गोड करणे असल्यास सव्वापट गूळ फोडून घालावा. पुरण पातळ झाल्यास पुन्हां चुलीवर ठेवून दोन कढ द्यावे ह्मणजे पाणी आटून पुरण ठीक होते. नंतर त्यांत वेलदोड्यांची पूड एक तोळा घालून पाट्यावर पुरण बारीक वाटावे. यास कणीक घेणे ती आच्छेर कणीक घेतल्यास उत्तम, पाउणशेर घेतल्यास मध्यम आणि एकशेर घेतल्यास साधारण जाणावें हे समजून जी कणीक घेणे असेल ती घेऊन ती पाण्यात भिजवून चांगली तिंबून तयार झाल्यावर शेरास नऊ मासे मीठ व एक तोळा तेल ही दोन्ही एकत्र करून कणकीस लावून चांगले तिंबावे. नंतर कणकीचा लहानसा गोळा घेऊन त्यांत बेताने पुरण घालून पोळी लाटून तव्यावर टाकावी. त्या तव्याचे बडाला मातीचा लेप असावा ह्मणजे पोळी करपत नाही. पोळ्यांस पिठी असणे ती एकशेर कणकीस पावशेर तांदुळाची पिठी असावी. ही लघू, स्वादू, शीतल, अनीला मंद करणारी आणि क्षयरोगनाशक अशी आहे. रताळ्यांची पो०-एक तपेलें घेऊन त्याचे आंतून तूप लावावें व सबंध रताळी धुवून त्यांत घालावी आणि वर पाण्याने भरलेले भांड झांकण ठेवून चांगले शिजवावे. नंतर ती बाहेर काढून सोलावी. नंतर आडीच शेर रताळ्यांस आच्छेर हारयाची दाळ वेगळी शिजवून ती दाळ व रताळी मिसळून पुरण वांटावे. त्यांत दोनशेर गूळ घालावा. याप्रमाणे पुरण तयार करून दुसरी सर्व कृति पुरणाच्या पोळीप्रमाणे करावी. For Private And Personal Use Only