Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
भरहाइपुत्ताणं उप्पत्ती।
तओ सामी अणासत्तो वि दोहिं भज्जाहिं सह भोगाई भुंजमाणो चिरं विहरेइ । सायावेयणिज्ज पि हि कम्मं अश्रुत्तं न झिज्जइ ।
जिणस्स भरहाइपुत्ताणं उप्पत्ती
अह विवाहाणतरं ताहिं सह पंचिंदियविसयसुहाई भुंजंतस्स पहुणो किंचि ऊणेसुं छपुबलक्खेसु गएसु सव्वट्ठसिद्ध विमाणाओ पाहुजीव-पीढजीवा चविऊण सुमंगलादेवीए कुच्छीए जुगलत्तणेण समुवण्णा, तह य सुवाहु-महापीढजीवा सवठ्ठसिद्धाओ चवित्ता सुणंदादेवीए कुच्छीए ओइण्णा । तया सुमंगला गम्भप्पहावसंसिणो चउद्दस महासुमिणे मरुदेवी इव पासेइ । अह सा सुमंगलादेवी नियसामिस्स पुरओ तं सुविणसरूवं कहेइ, पहू वि तुम्ह चक्कवट्टी नंदणो भविस्सइ ति वएइ । अह समये सुहदिवसे सुमंगला सामिणी पुव्वदिसा आइच्च-संझाभो इव नियपहापयासियदिसामुहं भरह-बंभीरूवं अवच्चजुगलं पसवेइ,तह सुणंदादेवी पाउसो बारिय-विज्जूओ इव सुंदरागिइजुयं बाहुबलि-सुंदरीरूवं अवच्चजुगलं जणेइ । अह कमेण सुमंगलादेवी एगुणपण्णासं पुत्तजुगलाई पसवेइ । तओ एए महातेयंसिगो महसाहा विंझगिरिम्मि कलहा इव रममाणा कमेण वइिंढसु । उसहपहू समंताओ तेहिं अबच्चे हिं परिवरिओ भूरी हिं साहाहिं महारुक्खो इव सोहइ । तया हि पच्चूसकालम्मि पदीवाणं तेओ इव ओसप्पिणीदोसाओ कप्पतरूणं पहावो झिज्जइ, तेण मिहुणगनराणं कोहाइणो कसाया सणियं पाउब्भवति । अह ते मिहुणगनरा हक्कार-मक्कार-धिक्काररूवाओ तिण्णि दंडनीईओ अइक्कमेति, तो ते संमिलिऊण उसहनाहस्स समीवं उवागच्छिऊण तं च जायमाणं असमंजसं विण्णवेइरे । नाणत्तयविभूसिओ जाइस्सरो भयवं एवं वएइ-जे उ मज्जायं उल्लंघते ताणं सासगो राया होइ, पढमं हि उच्चए आसणे उववेसावित्ता अहिसित्तो चउरंगबल उवेओ अखंडियसासणो सो सिया । ते कहिंति-अम्हाणं तुम्हे चिय राया होसु, न उविक्खनु, अम्हाण मज्झम्मि तुम्हसरिसो आरोको वि न सिया । तया नाभिनंदणो भासेई कुलगरोत्तमं नाभिं अभिगंपूर्ण अभत्थेह, सो तुम्हाणं रायाणं दाहिइ । तेहिं मिहुणगनरेहिं नाभिकुलगरो रायाणं पत्थिो सो 'भवंताणं उसहो राया होउ' ति ताणं कहेइ । अह ते मिहुणगा पमुइया समुवेइत्ता नाभिणा अम्हाणं तुम चिय राया अप्पिओ असि त्ति पहुं कहिति । तओ ते जुगलियनरा सामिणो अभिसेगकरणत्यं जलाणयणाय गया।
१ समुपेत्य ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |