Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सिरिउसहनाहचरिए रयणमयपट्टम्मि सारयससिकरधवलेहिं अखंडेहिं रुप्पतंडुलेहिं दप्पण-भदासण-वद्धमाण-कलसमच्छ-सिरिवच्छ-सत्थिय-नंदावत्त-लक्खणाई अट्ठमंगलाई आलिहेइ। तओ सो सव्वालंकारविभूसियं करेइ-तिलोगवइणो मुद्धम्मि वइरमाणिक्कमउडं ठवेइ, कण्णेसु सुवण्णकुंडलाई, कंठकंदले 'दिव्वमुत्तालयं, वाहूसु अंगए, मणिबंधेसुं मोत्तियमणिकंकणाई, कडिदेसम्मि सुवण्णकडिसुत्तं, पाएसुं माणिकपायकडगे संठवेइ, एवं जगगुरुणो अंगाई सचदेहालंकारहिं विभूसेइ । तओ इंदो भत्तिवासिय-मणो वियसिय-पारिजायाइमालाहि. परमेसरं पूएइ । बहुविहकुसुमनियरं च आजाणुमेत्तं मुयइ । नाणाविहमणि-भत्ति-विचित्त-दंडेणं वइरामयकडुच्छुएणं पवरगंधाभिरामं धूवं उक्खिवइ, पज्जलंतदीवियाचक्वालमणहरं आरत्तियं तह य वरमंगलनिलयं मंगलपईवं उत्तारेइ । एवं च सबकायव्वे कयंमि तओ सुरासुरेहिं सव्वायरेण पढमजिणपुरओ पणच्चियं । तओ तियसपुंगवो सद्धालूहिं सुरवरेहि सामिणो पइण्णगकुसुमायरं उत्तरावेइ, तओ सकको सक्कत्थवेण परमेसरं वंदिऊण पुलइयदेहो भत्तीए थुणिउं समारंभेइसक्ककयजिणिदथुई
नमो तुम्हें जगन्नाह !, तेलुक्कंऽभोयभक्खर ।
संसारभरुकप्पडु !, बोसुद्धरणबन्धव ! ॥ १ ॥
जय भुवणत्तयवंदिय ! भवकूवमज्झनिवडंत जंतुउद्धरणसमत्थ !, जयसु परमेसर ! सरणागयदव जांजर ! वम्महकुरंगकेसरि ! मोहतमपसरदिवसयर !, हे जिर्णिद ! जं तुज्झ मजणे एवं उवयरिया अम्हे तेण अच्वंतं अविरइपरायणं पि अप्पाणं अइपुण्णवंत मण्णेमो । हे नाह ! जत्थ तुम जम्मं पाविओ तस्स भारहखित्तस्स भई होउ । सा धरणी वि वंदणिज्जा, जा तुज्झ कमकमलं वहिहिइ । हे जिणवर ! ते मासा खलु धण्णा चिय, जे तुमं अहोनिसं पेक्खिस्संति । जहसमयं ददुणो अम्हे केरिसा? ।
जह तुह पयसेवाए, जिणिंद ! फलमथि ता सया कालं । एवंविहपरममहं, अम्हें पेच्छंतया होमो ॥२ ॥ नाहं बोत्तुं समत्थो म्हि, सन्भूए वि ते गुणे ।
चरमसागरे माउं, जलाई नणु को खमो ! ॥ ३ ॥
इअ जगनाहं थुणिऊण हरिसपुण्णमाणसो सको पुव्वमिव पंचहारूवं विउव्वित्ता ईसाणदेविंदस्स उस्संगाओ जिगवई घेतूण नियामरगणेहिं परिवरिओ जिणजम्मणघरंमि
१ दिव्यमुक्तालताम् ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |