Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
१०१
सिरिउसहजिणस्सः देसणा। भरहनरिंदकयजिणथुई
जयाहिलजगन्नाह !, जय विस्साऽभयप्पय !।
जय पढमतित्थेस !, जय संसारतारण ! ॥
अन्ज ओसप्पिणी-लोग-पउमागरदिवागर ! हे पहू ! तुमम्मि दिट्ठम्मि पणहमोहस्स मज्झ पभायं संजायं, कारुण्ण खीर-सागर ! हे नाह ! जे तुम्ह सासणमहारह समारोहंति, तेसिं लोगग्गपर्य दूरम्मि न । देव ! जत्थ निक्कारणजगबंधू तुम पच्चक्खं दीसइ, तओ लोअग्ग-थाणाओ वि संसारं पहाणं मण्णेमो । नाह ! 'भव्वजंतु-चित्त-जल-निम्मल-कारण कयग-चुण्ण-सरिसा तुम्हाणं वाणी जयउ', सामि ! भवंतदंसणमहाणंद-रस-नीसंदिर-लोयणेहिं लोगेहिं संसारे वि मोक्खमुंहाऽऽसाओ अणुभविज्जइ । पहु ! रागदोस-कसायप्पमुहवेरीहिं संरुद्धं इमं जगं अभयदाणदाणसालिणा तुमए च्चिय उव्वेदिज्जइ, नाह! नाणाऽवक्खंद-संगाम-हय-गामभूमिणो इमे राइणो मित्तत्तणं पाविऊण इह तुम्ह परिसाए चिठेइरे, तुह परिसाए आगो अयं करडी करेण केसरिकरं करिसित्ता करडथलिं मुहं कंडुएइ, इओ य अयं महिसो महिसं मिव मुहूं मुहुँ नेहाओ जीहाए हेसंतं हयं पमज्जइ, इओ य इमो हरिणो लीला-लोलियणंगलो उक्कण्णु-नमियाणणो घाणेण वग्यवयणं जिग्वेइ, अयं तरुणमंजारो पासेसुं अग्गओ पच्छा ललंतं मृसगं नियबालुव्य समासिलिसेइ, अयं च निभओ भुजगमो देहं कुंडलीकाउं नउलस्स समीवे वयंसो विव निसीएइ, देव ! अण्णे वि जे के वि जाइवेरिणो जीवा वेररहिआ इहयं चिटुंति, एयं हि तुम्हाणं असमो पहावो इअ जगनाहं थुणिऊण अवसरिऊण अणुक्कमेण भरहनरिंदो सुरवइणो पिट्टओ निसीएइ । एयंमि जोयणमेत्ते वि खित्तंमि पाणीणं कोडाकोडीओ तित्थनाहप्पहावाओ निराबाहं मायति । उसहणाहो सव्वभासाफरिसिणीए जोयणगामिणीए गिराए पणत्तीसाइसयजुयं देसणं विहेइ । उसहजिणस्स देसणा, संसारसरुवं च
आहि-वाहि-जरा-मच्चु-जाला-सय-समाउलो ।
पलित्तागारकप्पोऽयं संसारो सव्वदेहिणो ॥ तओ एत्थ मणयपि विउसाणं पमाओ न जुज्जइ, रत्तीए उल्लंघणीए मरुत्थलंमि बालो वि को एत्थ पमज्जेज्जा ? । इह अणेग-जोणि-भीसणा-ऽऽवद्याउल
१ कतकचूर्ण - निर्मलीफलचूर्णम् । २ सुखास्वादः । ३ उद्वेष्ट्यते-कर्मबन्धनाद् विमुच्यते । ४ करटी-हस्ती। ५ करटस्थलीम्-गण्ड स्थलम् । ६ हयम्-अश्वम् । ७ लाङ्घलः ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |