________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
धुन्दरबोधिनी टीका बैहल्ल्यको गन्धहायासे कोडा
मूलम्तत्य णं चंपाए नयरीए सेणियस्स रनो पुत्ते चेल्लणाए देवीए अत्तए कूणियस्स रनो सहोयरे कणीयसे भाया वेहल्ले नाम कुमारे होत्या सोमाले जाव सुरूवे । तएणं तस्स वेहल्लस्स कुमारस्स सेणिएणं रना जीवंतएणं चेव सेयणए गंधहत्थी अट्ठारसवंके य हारे पुन्वदिने ।
तएणं से वेहल्ले कुमारे सेयणएणं गंधहत्यिणा अंतेउरपरियालसंपरिखुडे चंप नगरि मज्झमज्झणं निग्गच्छइ निग्गच्छित्ता अभिक्खणं २ गंगं महानई मज्जणयं ओयरइ ।
तएणं सेयणए गंधहत्थी देवीभो सोंडाए गिण्डइ, गिण्हित्ता अप्पेगइयाओ पुढे ठवेइ, अप्पेगइयाओ खंधे ठवेइ, एवं अप्पेगइयाओ कुंभे ठवेइ, अप्पेगइयाओ सीसे - ठवेइ, अप्पेगइयाओ दंतमुसले ठवेइ, अप्पेगइयाओ सोंडाए गहाय उड्ढे वेहासं उबिहइ, अप्पेगइयाओ सोंडागयाओ अंदोलावेइ, अप्पेगइयाओ दंतंतरेसु नीणेइ, अप्पेगइयाओ सीभरेणं ण्हाणेइ, अप्पेगइयाओ अणेगेहिं कीलावणेहिं कोलावेइ ।।
तएणं चंपाए नयरीए सिंघाडगतिगचउक्कचच्चरमहापहपहेसु बहुजणो अनमन्नस्स एवमाइवखइ जाव परूवेइ-एवं खलु देवाणुप्पिया! वेहल्ले कुमारे सेयणएणं गंधहत्थिणा अंतेउर० तं चे जाव अणेगेहिं कीलावणएहिं कीलावेइ, तं एस णं वेहल्ले कुमारे रजसिरिफलं पञ्चणुब्भवमाणे विहरइ, नो कपिए राया।
तएणं तीसे पउमाईए देवीए इमीसे कहाए लट्टाए समाणीए अयमेयासवे जाव समुप्पजित्था-' एवं खलु वेहल्ले कुमारे सेयणएणं गंधपत्थिणा जाव. अणेगेहिं कीलावणएहि कोलावेर, तं .एस बेहल्ले कमारे
For Private and Personal Use Only
