________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
शाताधर्मकथासूत्रे उत्तए ? सुवन्नगारे निव्विसए आणावेइ, तएणं ते सुवन्नगारा कुंभेणं रण्णा निविसया आणत्ता समाणा जेणेव साइं२ गिहाई तेणेव उवागच्छंति, उवागच्छित्ता सभंडामत्तोवगरणमायाए मिहिलाए रायहाणीए मज्झं मज्झेणं निक्खमंति, निक्खमित्ता विदेहस्स जणवयस्स मज्झं मज्झेणं जेणेव कासी जणवए जेणेव वाणारसी नयरी तेणेव उवागच्छंति, उवागच्छित्ता अग्गुज्जा.
सि सगडीसागडं मोएंति, मोइत्ता महत्थं जाव पाहुडं गिपहंति, गिहित्ता वाणारसीए नयरीए मज्झं मझेणं जेणेत्र कासीराया तेणेव उवागच्छंति, उवागच्छित्ता करयल० जाव एवं वयासी-अम्हेणं सामी ! मिहिलाओ नयरीओ कुंभएणं रन्ना निव्विसया आणत्तासमाणा इह हव्वमागया तं इच्छामो णं सामी ! तुम्भं बाहुच्छायापरिग्गहिया निब्भया निरुव्विग्गा सुहंसुहेणं परिवसिउं । तएणंसंखे कासराया तं सुवन्नगारे एवं वयासी-किन्नं तुब्भे देवाणुप्पिया ! कुंभएणं रन्ना निविसया आणत्ता ?, तएणं ते सुवन्नगारा संखं एवं वयासी-एवं खलु सामी ! कुंभगस्स रन्नो धूयाए पभावईए देवीए अत्तयाए 'मल्लीए कुंडलजुयलस्स संधी विसंघडिए, तएणं से कुंभए सुवन्नगारसेणिं सदावेइ, सदावित्ता जाव निव्विसया आणत्ता, तं एएणं कारणेणं सामी! अम्हे कुंभएणं निव्विसया आणत्ता, तएणं से संखे सुवन्नगारे एवं वयासी--केरिसिया णं देवाणुपिंया! कुंभगस्सधूया पभावईदेवीए अत्तया मल्ली विदेह
For Private And Personal Use Only
