________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अनगाग्धर्मामृतवर्षिणी टोका.म,१३ अकालमेघदोहदनिरूपणम्
चेडियाओ धारिणीए देवीए अणाढइजमाणीओ अपरिजाणिज्जमाजीओ तहेव संभंताओ समोणीओ धारिणीए देवीए अंतियाओ पडिनिक्खमंति पडिनिक्लमित्ता जेणेव सेणिए राया तेणेव उवागच्छंति, उवागच्छित्ता करयलपरिग्गहियं जाव कटु जएणं विजएणं वद्धाति, वद्धावित्ता एवं वयासी-एवं खलु सामी ! किंपि अज धारिणी देवी ओलुग्गा ओलुग्गसरीरा जाव अट्टझाणोवयगया झियायइ । तएणं से सेणिए राया तासिं अंगपाडियारियाणं अंतिए यमदं सोचा णिसम्म तहेव संभंते समाणे सिग्धं तुरियंचवलं वेइयं जेणेव धारिणी देवी तेणेव उवागच्छइ उवागच्छित्ता धारिणी देवी ओलुग्गं ओलुग्गसरीरं जाव अडझाणोवगयं झियायमाणिं पासइ पासित्ता एवं वयासो. किनं तुमे देवाणुपिए । ओलुग्गा ओलुग्गसरीरा जाव अट्टझाणोवगया झियायसि ? । तएणं सा धारिणीदेवी सेणिएणं रन्ना एवं वुत्ता समाणी नो आढाइ जाव तुसिणीया संचिट्टइ । तएणं से सेणिए राया धारिणी देवों दोच्चंपि तञ्चपि एवं वयासी-किन्नं तुमे देवाणुप्पिए । ओलुग्गा जाप झियायसि ? । तएणं सा धारिणीदेवी सेणिएणं रन्ना दोच्चंपि तच्चंपि एवंवुत्ता समाणीणो आढाइ णो परिजाणाइ तुसिणीया संचिट्ठइ । तएणं सेणिए राया धारिणीं देवीं सवहसावियं करेइ, करित्ता एवं वयासी-किण्णंतुमं देवाणुप्पिए। अहमेयरस अट्रस्स अरिहे सवणयाए ताणं तुमं ममं अयमेयारूवं मणोमाणसियं
For Private and Personal Use Only
