________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
wwwanna
उद्दे० १.]
तइयं अज्झयणं छणं-छणं परिन्नाय लोग-सन्नं च सव्वसो । उद्देसो पासगस्स...( यथा ७,३०.) ... आवट्ट अणुपरियट्टइ-त्ति बेमि ॥
सी ओ स णि जं
10
(१) सुत्ता अमुणी, मुणिणो सययं जागरन्ति;
लोगंसि जाण अहियाय दुक्खं ।
समयं लोगस्स जाणित्ता एत्थ सत्थोवरए । जस्सि'मे सदा य रूवा य गन्धा य रसा य फासा य अभिसमन्नागया भवन्ति, (२) से आयवं नाणवं वेयवं धम्मवं बम्भवं, पन्नाणेहिं परिजाणइ लोगं ।
मुणी ति वच्चे, धम्मविउ त्ति अनु,
आवट्ट-सोए संगमिणं'भिजाणइ । सीओसिण-चाई से निग्गन्थे अरइ-रइ-सहे फरुसियं नो वेएइ ।
जागर-वेरोवरए वीरे एवं दुक्खा पमोक्खसि । (३) जरा-मच्चु-वसोवणीए नरे, सययं मूढे धम्मं नाभिजाणइ । पासिय आउरे पाणे अपमत्तो परिव्वए । मन्ता एवं अहियं ति पास
15 आरम्भजं दुक्ख मिणं ति नच्चा
माई पमाई पुनरइ गभं । उवेहमाणो सह-रूवेसु उज्जू
माराभिसंकि मरणा पमुच्चइ । अप्पमत्तो कामेहिं, उवरओ पाव-कम्मे हि, वीरे आय-गुत्ते, जे खेयन्ने । ( ४ ) जे 20 पज्जवजाय-सत्थस्स खेयन्ने; से असत्थस्स खेयन्ने; जे असत्थस्स खेयन्ने, से पज्जवजायसत्थस्स खेयन्ने ।
अकम्मस्स ववहारो न विज्जह कम्मुणा उवाही जायद ।
कम्मं च पडिलेहाए कम्म-मूलं च जं छणं पडिलेहिय, सव्वं समायाय
दोहिं अन्तेहिं अदिस्समाणे । तं परिन्नाय मेहावी विइत्ता लोग, वन्ता लोग-सन्नं
से मइमं परकमेज्जासि-ति बेमि ॥
For Private And Personal Use Only
