________________
३५० ] मुनिराजश्रीपुण्यविजयानां हस्तप्रतिसंग्रहे
[5493] आदिः- भीमभवभमणसंभंतभव्वसत्ताण ताण दुल्ललिओ।
सरयसमुग्गयससहरजसधवलियतिहुयणाभोगो ॥१॥ नमिरामरमौलिकिरीडकोडिसंघट्टलट्ठपयकमलो । परमप्पा पढमजिणो परमपयपइट्ठिओ जयइ ॥२॥ अज्ज वि जस्स विरायइ सुपसिद्धं पवयणं गुणसमिद्धं । संसारजलहिपडियाण जाणवत्तं व भवियाण ॥३॥ सो संगमयमहासुरमुसुमूरियगरुयदप्पमाहप्पो । वीरो मयणमहाभडमयमहणो दलउ दुरियाई ॥४॥ अजियाइणो जिणिंदे जयपयडे पासनाहपज्जते । सयलसुरासुरनमिए नमामि परमाए भत्तीए ॥५॥ निद्रवियअट्टकम्मे जाइजरामरणबंधणविमुक्के । तेलोकमत्थयत्थे पणमह सिद्धे सुहसमिद्धे ॥६॥ सुयरयणसायराणं खीरासवपमुहलद्भिजुत्ताणं । पंचविहायारधराण पणमिमो गोयमाईणं ॥७॥ उज्झियसंसारपहे सुत्तपयाणेण तोसियविणेए । आयरियठाणजोग्गे वंदे हं पवरउज्झाए ॥८॥ विविहतवसोसियंगे निस्संगे निम्ममे निरारंभे । सिद्धिसुहसाहणरए साहू सिरसा नमसामि ॥९॥ जे महमहग्घनाणाइरयणतियगस्स कारणं गुरवो । ताण तिसंझं पि सया पाए पयओ पणिवयामि ॥१०॥ देवासुरनरकिण्णरपरितुटुक्किट्ठिसदसंवलिया। सव्वसभासाणुगया जिणवाणी वो सुहं दिसउ ॥११॥ करधरियधवलकमला सारयससिसंखकुंदसमवण्णा । सियवसणभूसणधरा सरस्सई जयइ जयपयडा ॥१२॥ नंदंतु महाकइणो सुललियपयवण्णनाससोहिल्ला। जाण पबंधा पवरा हरंति हिययं छइल्लाण ॥१३॥ सरिमो सुयणाण सया गुणगहणपराण दोसविमुहाण । जाण मुहमहोयहिणो वयणं अमयं व पज्झरइ ॥१४॥
Jain Education International
For Private & Personal Use Only
www.jainelibrary.org
