________________
१००
श्रीजेसलमेरुदुर्गस्थ
[ क्र. २५२
सो जयउ जयप्पवरो वरकंचणकमलकनियागोरो। गोरयणअंकिओरू रिसहजिणो जिणियकम्मरिऊ ॥२॥ जुयलं ।। ससिकिरिणविमलदेहप्पहाए ओहाडिया उ जन्नियडे । रयणीए वि रयणपईवपंतियाउ व्व रेहति ॥३॥ तं पणमह पणयसुरासुरिंदअइरुंदविहियजम्ममहं । महमंदरम्मि सियकिरणलक्खण लक्खणातणयं ॥४॥ जुयलं ॥ असिवोवसमो जाओ जयस्स गब्भागए वि जम्मि लहुं । संतिजिणिदो संति करेउ सो सयलसंघस्स ॥५॥
जन्नामपईवम्मि वि मणभवणगए जणस्स जाइ खयं ।।
दुरियगणो तिमिरभरो ब्व हरउ पासो स मह विग्धं ॥६॥ कलिकालमारुएण वि जस्स न विज्झाइ सासणपईवो। सो वट्टमाणतित्थस्स नायगो जयइ जिणवीरो ॥७॥ इयरनरा वि हु आणाइ जाण निक्कंदिऊण कम्मरिऊ। पत्ता सासयठाणं ते वंदे सेसजिणचंदे ॥८॥ खयरिंदपणयपाया गोविंदपसायणी सुराणंदा । कयणतनमोक्कारा सिरि ब्व वाणी सया जयउ ॥९॥ जाण पसाएण जडो वि किं पि जाओ बुहोहमज्झे हं । गणणिज्जपए तेसि गुरूण पाए पणिवयामि ॥१०॥ इय सयलनमोकारप्पहावपडिहणियविग्घसंघाओ। सिरिचंदप्पहजिणवरचरियमह संपवक्खामि ॥११॥
एयं च दुक्करं जइ वि मज्झ पडिहाइ मंदबुद्धिस्स । दिटेण पहेण तहा वि संचरंतस्स किं विसमं ॥१२॥ जओ
जह विजयसिंहसूरित्तईपबंधम्मि दिट्ठमेयं मे। सत्तभवप्पडिबद्धं तहेव गाहाहिं वोच्छमहं ॥१३॥ सव्वं पुण एयं चिय जम्हा सव्वन्नुगोयरं चरियं । चंदप्पहस्स कत्थ व कत्थ व मइदुब्बलो अयं ॥१४॥
एवं च मए जलही भुयाहि तरिउं इमो समाढत्तो। एएण पंडियाणं उवहासपयं भविस्समहं ॥१५॥ जइ वा
आहारवसेण गुणाण पयरिसो सो य एत्थ ससिनाहो। ता तप्पहावउ च्चिय होहामि न सूरिहसणिजो ॥१६॥ एत्थ य सुयणपसंसा निक्कज्ज च्चिय जओ स पयईए ।
अपसंसिओ वि गुणगहणवावडो दोसविमुहो वा ॥१७॥ दुज्जणजणो य पायं पसंसिओ वि हुन मुंचए पयई। निद्दोसे विहु कव्वे जो कह वुप्पायए दोसं ॥१८॥ ता किं इमाए चिताए मज्झ पारद्धविग्घभूयाए । जो जस्स सहावो तं स माणऊ इत्थ किमजुत्तं ॥१९॥ नियगुणविक्खाय च्चिय महाकई तेसि मह सलाहाए । कि होज्ज भुवणपायडजसाण मइहीणरइयाए ॥२०॥ पत्थुयमेव भणिज्जइ अओ इमं विजयसिंहसूरीहि । रइयं सक्कयभासाए सग्ग धेण महकव्वं ॥२१॥ अयं पुणऽप्पसत्ती पाइयभासाए तेण विरइस्सं । दसपव्वरइयअत्थाहिगारगाहाहिं पाएण ॥२२॥ तत्थ य पढने पव्वे रन्नो कणगप्पहस्स जह जायं। वेरग्गं निययसुयस्स रजदाणं च पव्वज्जा ॥२३॥ बीए तत्तणयस्सेव पउमनाहस्स पुव्वभवसुणणं । सिरिहरमुर्णिदपासे सिरिधम्मो तत्थ पढमभवे ॥२४॥
जह जाओ जह से रज्जसंपया जह वयं च देवत्तं ।। तइयम्मि य तइयभवे जह जाओ अजियसेणो सो ॥२५।। जुवरायत्तम्मि ठिओ य जह हिओ पिउसहाए मज्झाओ। हणिऊण महिंदनिवं धरणिद्धयखयरनाहं च ॥२६॥ परिणइ ससिप्पहं दिव्वकन्नयं नियपुरि च जह एइ ।
तुरियम्मि य अजियजयतप्पिउणो जह वयग्गहणं ॥२०॥ पचमएजियसेणस्स चेव जह अच्चुयम्मि उप्पत्ती। छठ्ठम्मि वेजयते उप्पाओ पउमनाहस्स ॥२८॥ सत्तमए चंदप्पहजिणस्स गब्भागमो य जम्ममहो। अट्ठमए रज्जं तित्थकरणउच्छाहणा दिक्खा ॥२९॥
Jain Education International
For Private & Personal Use Only
www.jainelibrary.org