Page Text
________________ जमालि 1404 - अभिधानराजेन्द्रः - भाग 4 जमालि अम्म ! ताओ ! माणुस्सग सरीरं दुक्खाययणं विविहवाहिसयसंनिकेयं अट्ठिकढट्ठिछिराण्हारुजालउवणद्धसंपिणद्धमट्टियभंडं व दुब्बलं असुइसंकिलिलैं अणिट्ठवियसव्वकालसंठप्पयजराकुणिमजज्जरधरं व सडणपडणविद्धंसणधम्मं पुट्विं वा पच्छा वा अवस्सं विप्पजहियव्वं भविस्सइ। से केस णं जाणइअम्म ! ताओ ! के पुट्विं तं चेव०जाव पव्वइत्तए / तए णं तं जमालि खत्तियकुमारं अम्मापियरो एवं वयासी-इमाओ य ते जाया ! विउलबालियाओ सरिसयाओ सरित्तयाओ सरिट्वयाओ सरिसलावण्णरूवजोव्वणगुणोववेयाओ सरिसएहितो कुलेहिंतो आणिएल्लियाओ कलाकुसलसव्वकाललालियसुहोचियाओ मद्दवगुणजुत्तनिउणविणओवयारपंडियवियक्खणाओ मंजुलमियमहुरमणियविहसियविप्पेक्खियगईविलासचिट्ठियविसारयाओ अविकलकुलसीलसालियाओ विसुद्धकुलवं ससंताणतंतुविबद्धणप्पगब्भवयमाविणीओ मणाणुकूलहियइच्छियाओ अट्ठ तुज्झ गुणवल्लहाओ उत्तमाओ णिचं भावाणुरत्तसव्वंगसुंदरीओ भारियाओ तं भुंजाहि ताव जाव जाया ! एयाहिं सद्धिं विउले माणुस्सए कामभोगे, तओ पच्छा भुत्तभोगी विसयविगयवोच्छिण्णको उहल्ले अम्हे हिं कालगएहिं०जाव पव्वइहिसि / तएणं से जमाली खत्तियकुमारे अम्मापियरो एवं वयासी-तहा विणं तं अम्म ! ताओ ! जंणं तुब्भे मम एवं वदह-इमाओ य ते जाया ! विउलकुल०जाव पटवइहिसि, एवं खलु अम्म ! ताओ ! माणुस्सया कामभोगा असुई असासया वंतासवा पित्तासवा खेलासवा सुक्कासवा सोणियासवा उच्चारपासवणखेलसिंघाणवंतपूयसुक्कसोणियसमुभवा अमणुण्णदुरूवमुत्तपूइयपुरीसपुण्णा मियगंधुस्सासअसुभनिस्सासउटवेयणगा वीभत्था अप्पकालिया लहूसगा कलमलाहिया सदुक्खबहुजणसाहारणा परिकिलेसकिच्छदुक्खसज्झा अबुहजणसेविया सदा साहुगरहणिज्जा अणंतसंसारबद्धणा कडुयफलविवागा चुडुलि व्व अमुचमाणदुक्खाणुबंधिणो सिद्धिगमणविग्घा, से केसणं जाणइ अम्म! ताओ ! के पुट्विं गमणयाए, के पच्छा? तं इच्छा मिणं अम्म! ताओ !०जाव पव्वइत्तए / तए णं तं जमालिं खत्तियकुमारं अम्मापिअरो एवं वयासी-इमे य ते जाया ! अजयपज्जयपिउपज्जयागए य बहुहिरण्णे य सुवण्णे य कंसे य दूसे य विउलधणकणग०जाव संतसारसावएज्जे अलाहि०जाव आसत्तमाओ कुलवंसाओ पकामं दाउं पकामं भोत्तुं परिभाएत्तुं तं अणाहोहि ताव जाया ! विपुले माणुस्सए इड्डिसक्कारसमुदए, तओ पच्छा अणुभूयकल्लाणे वड्डियकु लवंसजाव पव्वइहिसि / तए णं से जमाली खत्तियकुमारे अम्मापिअरो एवं वयासी-तहा वि णं अम्म ताओ ! जणं तुज्झे मन एवं वदह-इमं च ते जाया ! अज्जयपञ्जय०जाव पव्वइहिसि / एवं खलु अम्म ! ताओ ! हिरणे य सुवण्णे य०जाव सावएस अग्गिसाहिए चोरसाहिए रायसाहिए मचुसाहिए दाइयसाहिए अगिसामण्णे०जाव दाइयसामण्णे अधुवे अणितिए असासए पुट्विं वा पच्छा वा अवस्सं विप्पजहियव्वं भविस्सइ, से केसणं जाणइ तं चेव०जाव पव्वइत्तए / तए णं तं जमालिं खत्तियकुमारं अन्म-याओ जाहे नो संचाएइ, विसयाणुलोमेहिं बहूहिं आघवणाहिय पण्णवणाहि य विण्णवणाहि य सपणवणाहि य आघवेत्तए वा सण्णिवेत्तए वा विण्णवेत्तए वा तहेव विसयपडिकूलाहिं संजमभयउटवेयणकरीहिं पण्णवणाहिं पण्णवेमाणा एवं वयासी-एवं खलु जाया ! णिग्गंथे पावयणे सचे अणुत्तरे केवले जहा आवस्सए०जाव सव्वदुक्खाणमंतं करेइ, बहीव एगंत.-दिट्टिए, खुरो इव एगंतधाराए, लोहमया जवा चावेयव्वा बालु-याकवले इव निस्सारे, गंगेव महानदी पडिसोतगमणयाए महासमुद्दो व्व भुयाहिं दुत्तरो तिक्खं कमियव्वं गुरुयं लंवेयव्वं, असिधारागं वयं चरियव्वं, णो खलु कल्पइ जाग ! समणाणं णिग्गंथाणं आहाकम्मिएइ वा उद्देसिएइ वा मिस्सजाएइ वा उज्झोयरिएइ वा पूइएइ वा कीएइए वा पाडिच्चेइ वा अच्छेज्जेइ वा अणिसिटेइ वा अभिहडे इ वा कं तारभत्तेइ वा दुभिक्खभत्तेइ वा गिलाणभत्तेइ वा वद्दलियाभत्तेइ वा पाहुणभत्तेइ वा सेज्जायरपिंडेइ वा रायपिंडेइ वा मूलभोयणेइ वा कंदभोयणेइ वा फलभोयणेइ वा बीयभोयणेइ वा हरियभोयणेइ वा भुत्तए वा पायए वा तुम्मं सिचणं जाया! सुहसमुचिएणो चेवणंदुहसमुचिए नालं सीयं नालं उण्हं नालं खुहा नालं पिवासा नालं चोरा नालं बाला नालं दंसा नालं मसगा नालं वाइयपित्तियसिं भियसण्णिवाइयविविहे रोगायं के परीसहोवसग्गे उदिण्णे अहियासेत्तए, तंणो खलु जाया ! अम्हे इच्छामो तुज्झं खणमवि विप्पओगं, तं अत्थाहिताव जाया ! जाव अम्हे जीवामो, तओ पच्छा अम्हेहिं कालगएहिं०जाव पव्वइहिसि / तए णं से जमाली खत्तियकुमारे अम्मापियरो एवं वयासी-तहा विणं तं अम्म ! ताओ ! जण्णं तुब्भे ममं एवं वदह-एवं खलु जाया ! णिग्गंथे पावयणे सच्चे अणुत्तरे केवले तं चेव०जाव पव्वइहिसि, एवं खलु अम्म ! ताओ ! णिग्गंथे पावयणे कीवाणं कायराणं कापुरिसाणं इहलोगपडिबंधाणं परलोगपरंमुहाणं विसयति
| SR No. | 016146 |
| Book Title | Abhidhan Rajendra Kosh Part 04 |
| Original Sutra Author | N/A |
| Author | Vijayrajendrasuri |
| Publisher | Rajendrasuri Shatabdi Shodh Samsthan |
| Publication Year | 2014 |
| Total Pages | 1456 |
| Language | Hindi |
| Classification | Dictionary |
| File Size |