Abhidhan Rajendra Kosh Part 01

SR No.: 016143
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1078
Language: Hindi
Classification: Dictionary

Page 862

अबंभ 678 - अभिधानराजेन्द्रः - भाग 1 अबंभ चेव कलिया नाणामणिकणगमह-रिहतवणिजुज्जलविचित्तदंडाहिं, सलिलियाहिं नरवइसिरिसमुदयप्पकासणकराहिं, वरपट्टणुगयाहिं, समिद्धरायकुलसे वियाहिं, कालागुरुपवरकुंदुरुक्कतुरुक्कधूववासविसिट्टगंधुझ्याभिरामाहिं, चिल्लियाहिं, उभयो पास पिचामराहिं उक्खिप्पमाणाहिं, सुहसीयलवायवीयियंगा अजिता अजियरहा हलमुसलकणगपाणी संखचक्कगयसत्तिणंदगधरा, पवरुज्जलसुकयविमलकोथूभकिरीडधारी, कुंडलउज्जोवियाणणा, पुंडरीयणयणा,एगावलिकं ठरइयवच्छा, सिरिवच्छ सुलंछणा, वरजसा सव्वाउयसुरभिकुसुमरइयपलंबसोहंतवियसंतविचित्तवणमालरइयवच्छा, अट्ठसयविभत्तलक्खणपसत्थसुंदरविराइयंगुपंगा, मत्तगयवरिंदललियविक्कमविलसियगती, कडिसुत्तकनीलपीयकोसेन्जवाससा, पवरदित्ततेया, सारयणवथणियमधुरगंभीरणिद्धघोसा, नरसीहा, सीहविक्कमगती, अत्थमियापवररायसीहा, सोम्मा, वारवयिपुण्णचंदा, पुटवकयतवप्पभावा, निविट्ठसंचियसुहा, अणेगवाससयमाउवंतो, भजाहि यजणवयप्पहाणाहिं लालियंता, अतुलसद्दफरिसरसरूवगंधे य अणुभवित्ताते वि उवणमंति मरणधम्म, अवितित्ता कामाणं। भुञ्जो मंडलियणरवरिंदा सबला सअंतेउरा सपरिसा सपुरोहिया अमचडंडणायक सेणावतिमंतिणीतिकु सला,णाणामणिरयणविपुलधणधण्णसंचयनिहिसमिद्धकोसा, रजसिरिविपुलमणुभवित्ता, विक्कोसंता, बलेण मत्ता, ते वि उवणमंति मरणधम्म अवितत्ता कामाणं। भुजो उत्तरकु रुदेवकु रुवणविवरपायचारिणो, नरगणा मोगुत्तमा, भोगलक्खणधरा, भोगसस्सिरीया, पसत्थसोमपडि पुण्णरूवदरिसणिज्जा, सुजायसव्वंगसुंदरंगा, रत्तुप्पलपत्तकंतकरचरणकोमलतला, सुपइट्ठियकुम्मचारुचलणा, आणुपुव्वसुसंहयंगुलीया, उण्णयतणुतंबनिद्धनखा, संठियसुसिलिट्ठगूढगोंफा, एणीकुरुविंदावत्तवट्टाणुपुव्वजंघा, समुग्गनिमग्गगूढजाणू, गयगमणसुजायसंनिभोरुवरवारणमत्ततुल्लविक्कमविलासियगती, वरतुरगसुजायगुज्झदेसा, आयणहयो व्व निरुवलेवा, पमुइयवरतुरयसीहअइरेगवट्टियकडी,गंगावत्तगदाहिणावत्ततरंगभंगुररविकिरणबोहियविकोसायंतपम्हगंभीरवियडनाभी, साहयसाणंदमुसलदप्पणनिगरियवरकणगछरुसरिसवरवइरवलियमज्झा, उज्जगसमसंहियजचतणुकसिणनिद्धआदिजलडहसुकुमालउयरोभरायी, झसविहगसुजायपीणकुच्छी, झसोदरा, पम्हवियडणाभी, संनयपासा, संगतपासा, सुंदरपासा, सुजायपासा, सितमाइयपीणरइयपासा, अकरंडुयकणगरुयगनिम्मलसुजायनिरुवहयदेहधारी, कणगसिलातलपसत्थसमतलउवइथवित्थिण्णपिहलवच्छा जुयसण्णिमा, पीणरइयपीवरपउट्ठसंठियसु सिलिट्ठविसिट्ठलट्ठ सुणि- | चियघणथिरसुबंधसंधी, पुरवरफलिहवट्टियभुजा भूइएसरविपुलभोगआयाणफलिहउच्छूढदीहबाहू, रत्ततलोवइयमउयमंसलसुजायलक्खणपसत्थअच्छिदजालपाणी, पीवरसुजायकोमलवरंगुली, तंबनलिणसुइ-रुइलनिद्धणखा, निद्धपाणिलेहा, चंदपाणिलेहा, सूरपाणिलेहा, संखपाणिलेहा, चक्कपाणिलेहा, दिसासोवत्थियपाणिलेहा, रविससिसंखदरचक्कदिसासोवत्थिविभत्तसुरइयपाणिलेहा, वरमहिसवराहसीहसर्लरिसहनागवरपडिपुण्णविउलखंधा, चउरंगुलीप्पमाणकंबुवरसरिसगीवा। अवट्टियसुविभत्तचित्तसमंसुउवचियमंसलपसत्थसङ्कलविपुलहणुया, उवचियसिलप्पवालबिंबफलसन्निभाऽधरोट्ठा पंडुरससिसकलविमलसंखगोखीरफेणकुंददगरयमुणालियाधवलदंतसेढी अखंडदंता, अफुडियदंता, अविरलदंता, सुणिद्धदंता, सुजातदंता, एगदंतसेढी व्व अणे गदंता, हुतवहनिद्धं -तधोततत्ततवणिज्जरत्ततलतालुजीहा, गरुलायतउज्जु-तुंगनासा अवदालियपुंडरीयनयणा विकोसियधवलपत्तलच्छाआणामियचावरुयिलकिण्हन्भरायिसंठियसंगयायतसुजायभूमगा, अल्लणीपमाणजुत्तसवणा, सूस्सवणा, पीणमंसलकवोलदे सभागा, अचिरुग्गयबालचंदसंठियमहानिलाडा, उडुपतिपडि पुण्णसोमवयणा, छत्तागारुत्तमंगदेसा , घणनिचियसुबद्धलक्खणुण्णयकूडागारनिभपिंडिवग्गसिरा, हुतवहनिद्धं तधो ततत्तत-वणिजरत्तकेसंत के सभूमी, सामलिपॉडघणनिचियच्छोडियमिउविसयपसत्थसुहुमलक्खणसुगंधसुंदरभुयमोयगभिंगनीलकज्जलपहिट्ठभमरगणनिद्धनिउरंबनिचियकुंचियपयाहिणावत्तमुद्धसिरया। सुजायसुविभत्तसंगयंगा लक्खणवंजणगुणोववेया पसत्थबत्तीसलक्खणधरा हंसस्सरा कोंचस्सरा दुंदुहिस्सरा सीहस्सरा मेघस्सरा ओघस्सरा सुस्सरा सुस्सरनिग्घोसा वज्जरिसभनारायसंघयणा समचउरंससंठाणसंठिया, छाया उज्जोवियंगमंगा, पसत्थछवी, निरातं का, के कगहणा, कवोतपरिणामा, सउणिपासपिट्ठतरोरुपरिणया, पउमुप्पलस-रिसगंधसाससुरभिवयणा, अणुलोमवाउवेगा, अवदाय-निद्धकाला, विम्गहउण्णयकुच्छी, अमयरसफलाहारी, तिगऊयसमुच्छिया, तिपलिओवमद्वितीया, तिण्णिय पलिओवभाई परमाउंपालइत्ता ते वि उवणमंति मरणधम्म अवितित्ता कामाणं। पमदा वि य तेसिं हंति सोमा सुजायसवंगसुंदरिओ, पहाणमहिलागुणे हिं जुत्ता, अतिकं तविसप्पमाणमउयसुकु मालकुम्मसंठियसिलिट्ठचलणा, उज्जुमउयपीवरसुसंहतंगुलीओ, अब्भुण्णतरइयतलिणतंबसुइनिद्धनखा, रोमरहियवट्टसं ठियअजहण्णपसत्थलक्खणअकोप्पजंघजुयला, सुणिम्मितसुनिगूढजानुमंसलपसत्थसुबद्धसंधी, कयलीखं भाइरेगसंठियनिव्वणसुकु मालमउयकोमलअविरालसमसहितवट्टपीवरनिरंतरोरू,अवयवीतिपट्ठसंठियपसत्थवित्थिण्णपिहुलसोणी, वदणायामप्पमाणदुगुणिय माणा