Page Text
________________ अप्पाबहुय(ग) 648 - अभिवानराजेन्द्रः - भाग 1 अप्पाबहुय(ग) "सव्वत्थोवा एगपएसोगाढा एगगुणकक्खडफासा दवट्ठयाए / संखेजपएसोगाढा एगगुणकक्खडफासा दव्वट्ठयाए संखेनगुणा'" इति। एवं संख्येयगुणकर्कशस्पर्शा असंख्येयगुणकर्कशस्पर्शा वाच्याः / एवं मृदुगुरुलघव अवशेषाश्चत्वारः शीतादयः स्पर्शाः, यथा वर्णादय उक्तास्तथा वक्तव्याः / तत्र पाठोऽप्युक्तानुसारेण सुगमत्वात् स्वयं भावनीयः। प्रज्ञा०३ पद। एएसिणं मंते ! परमाणुपोग्गलाणं दुपदेसियाण य खंधाण य दव्वट्ठयाए कयरे कयरेहिंतो अप्पा वा बहुया वा तुल्ला वा विसेसाहिया वा ? गोयमा ! दुपदेसि-एहिंतो खंधेहिंतो परमाणुपोग्गलादव्वट्ठयाए बहुया। एएसिणं मंते! दुपदेसियाणं तिपदेसियाण यखंधाणंदव्वट्ठयाए कयरे कयरेहिंतो बहुया०? गोयमा ! तिप-देसिएहिंतो खंधेहिंतो दुपदेसिया खंधा दव्वट्ठयाए बहुया / एवं एएणं गमएणं जाव दसपदेसिएहितो णवपदेसिया खंधा दव्वट्ठयाए बहुगा। एएसिणं भंते ! दसपएसा पुच्छा? गोयमा! दसपदेसिएहिंतो खंधेहिंतो संखेज्जपएसिया खंधा दव्वट्ठयाए बहुया / एएसि णं भंते ! संखेज्जा पुच्छा ? गोयमा! संखेज्जपएसिएहिंतोखंधेहिंतो असंखेजपदेसिया खंधा दव्वट्ठयाए बहुया। एएसिणं भंते ! असंखेजपदेसिया पुच्छा? गोयमा! असंखेज्जपदेसिएहिंतो खंधेहिंतो अणंतपदेसिया खंधा दव्वट्ठयाए बहुया। एएसि णं भंते ! परमाणुपोग्गलाणं दुपदेसियाण य खंधाणं पदेसट्टयाए कयरे कयरे हिंतो बहुया ? गोयमा ! परमाणुपोग्गले हिंतो दुपदेसिया खंधा पदेसट्ठयाए बहुया / एवं एएणं गमएणंजावणवपएसिएहिंतो खंधेहिंतो दसपएसिया खंधा पदेसट्टयाए बहुया। एवं सव्वत्थ पुच्छियव्वं / दसपएसिएहितो खंधे हिंतो संखे अपएसिया खंधा पदेसट्ठया ए बहुया, संखेज्जपएसिएहिंतो खंधेहिंतो असंखेजपएसिया खंधा, पदेसट्टयाए बहुया। एएसिणं भंते! असंखेजपएसियाणं पुच्छा? गोयमा! अणंत-पएसिएहिंतोखंघेहिंतो असंखेजपएसिया खंधा पएसट्टयाए बहुया। एएसिणं भंते ! एगपएसोगाढाणं दुपदेसोगाढाण यपोग्गलाण य दव्वट्ठयाए कयरे कयरेहिंतो विसेसाहिया वा? गोयमा ! दुपदेसोगाढे-हिंतो पोग्गले हिंतो एगपदेसोगाढा पोग्गला दव्वट्ठयाए विसेसाहिया / एवं एएणं गमएणं तिपदेसोगाढेहिं तो पोग्गलेहिंतो दुपदेसोगाढा पोग्गला दव्वट्ठयाए विसेसाहिया जाव दसपएसोगाढेहिंतो पोग्गलेहिंतो णव पदेसोगाढा पोग्गला दव्वट्ठयाए विसेसाहिया। एएसि णं भंते ! दसपएसा पुच्छा? गोयमा ! दसपदेसोगाढेहिं तो पोग्गले हिंतो संखेज्जपएसोगाढा पोग्गला दव्वट्ठयाए बहुया, संखेज्जपएसोगाढेहिंतो पोग्गलेहितो असंखेज्जपएसोगाढा पोग्गला दव्वट्ठयाए बहुया / एवं पुच्छा सव्वत्थ भाणियव्वा। एएसि णं भंते ! एगपएसोगाढाणं दुपदेसोगाढाणं पोग्गलाण पदेसट्टयाए कयरे कयरेहितो० जाव विसेसाहिया वा ? गोयमा! एगपदेसोगाढेहिंतो पोम्पलेहिंतो दुपदेसोगाढा पोग्गला पदेसट्टयाए वि-सेसाहिया / एवं जाव णवपदेसोगाढेहिं तो पोग्गलेहिंतो दसपएसोगाढा पोग्गला पदेसट्ठयाए विसेसाहिया। दसपएसोगाढेहिंतो पोग्गलेहिंतो संखेजपएसोगाढा पोग्गला पदेसट्ठयाए बहुया। संखेज्जपएसोगाढे हिंतो पोग्गले हितो असंखेज्जपदेसोगाढा पोग्गला पएसट्टयाए बहुया। एएसिणं भंते ! एगसमयट्टिईयाणं दुसमयट्टिईयाण य पोग्गलाणं दव्वट्ठयाए जहा ओगाहणा वत्तव्वया, एवं ठितीए वि।एएसिणं भंते! एगगुणकालयाणं दुगुणकालयाण य पोग्गलाणं दव्वट्ठयाए। एएसि णं जहा परमाणुपोग्गलादीणं तहेव वत्तव्वया णिरवसेसा, एवं सव्वेसिं वण्णगंधरसाणं। एएसि णं भंते ! एगगुणक-क्खडाणं दुगुणकक्खडाण य पोग्गलाणं दव्वट्ठयाए कयरे कयरेहिंतो० जाव विसेसाहिया वा? गोयमा ! एगगुणकक्खडेहिंतो पोग्गलेहिंतो दुगुणकक्खडा पोग्गला दवट्ठयाए विसेसाहिया, एवं जाव णवगुणकक्खडेहिंतो पोग्गलेहिंतो दसगुणकक्खडा पोग्गला दध्वट्ठयाए विसेसाहिया, दसगुणकक्खडेहिंतो पोग्गलेहिंतो संखेज्जगुणकक्खडा पोग्गला दव्वट्ठयाए बहुया। संखेज्जगुणकक्खडेहिंतो पोग्गले हितो असंखेज्जगुणक क्खडा पोग्गला दव्वट्ठयाए बहुया। असंखेज्जगुणकक्खडे हिंतो पोग्गलेहिंतो अणंतगुणकक्खडापोग्गला दव्वट्ठयाए बहुया। एवं पदेसठ्ठयाए सव्वत्थ पुच्छा भाणियव्वा, जहा कक्खडा / एवं मउयगुरुयलहुया वि सीयउसिणणिद्धलुक्खा जहा वण्णा। एएसि णं भंते ! परमाणुपोग्गलाणं संखेज्जपएसियाणं असंखेजपएसियाणं अणंतपएसियाणं खंधाणं दवट्ठयाए पदेसट्टयाए दव्वट्ठपदेसट्टयाए कयरे कयरेहिंतो० जाव विसेसाहिया वा? गोयमा ! सव्वत्थोवा अणंतपदेसिया खंधा दव्वट्ठयाए, परमाणुपोग्गला दवट्ठयाए अणंतगुणा, संखेज्जपएसिया खंधा दव्वट्ठयाए संखेजगुणा, असंखेज्जपएसिया खंधा दव्वट्ठयाए असंखेजगुणा, पदेसट्टयाए सव्वत्थोवा अणंतपदेसिया खंधा, पदेसट्टयाए परमाणुपोग्गला, अपदेसट्टयाए अणंतगुणा, संखेजपदेसिया खंधा पदेसट्ठयाए संखेनगुणा, असंखेज्जपएसिया खंधा पदेसट्टयाए असंखेज्जगुणा, दव्वट्ठपएसट्टयाए सव्वत्थोवा अणंतपदेसिया,दव्वट्ठयाएते चेव, पदेसट्टयाए अणंतगुणा, परमाणुपोग्गला दव्वट्ठयाए अपएसट्ठयाए अणंतगुणा, संखेज्जपएसिया खंधा दवट्ठयाए संखेजगुणा, ते चेव पदेसट्टयाए संखेज्जगुणा, असंखेज्जपएसिया। खंधा दव्वट्ठयाए असंखेज्जगुणा, ते चेव पदेसट्ठयाए असंखेज्जगुणा /
| SR No. | 016143 |
| Book Title | Abhidhan Rajendra Kosh Part 01 |
| Original Sutra Author | N/A |
| Author | Vijayrajendrasuri |
| Publisher | Rajendrasuri Shatabdi Shodh Samsthan |
| Publication Year | 2014 |
| Total Pages | 1078 |
| Language | Hindi |
| Classification | Dictionary |
| File Size |