________________
१८२ : आराधना-कथाकोष
तो धर्म असे द्विप्रकार । सागार अनि अनागार । अचरता पापाचा संहार । भव-सागर-तारक जो ॥३२।। तो दसलक्षणि धर्म । निवेदिला तयासि उत्तम । त्रीपनक्रिया निरोपण । व्रतादि संपूर्ण श्रावकक्रिया ॥३३॥ सोळाकारण रत्नत्रय । तुर्यदानाचा निर्णय । भक्तियुक्तिचा उपाय । सर्व मुनिराय निवेदिला ॥३४॥ ऐसे ऐकोनिया तयासि । वैराग्य उद्भवले मानसि । जानोनिया सार वस्तुसि । सम्यक्त्वासि दृढ जाहला ॥३५॥ म्हने धन्य हे मुनेश्वर । पर उपकारि दयाकर । तरनतारू भवसागर । मुनि दिगंबर सत्य सत्य ।।३६।। ऐसा निश्चय करोनि मनि । द्वयकर-कमळ जोडोनि । दिक्षा मागे पापनाशिनि । मस्तक चरणि ठेवोनिया ॥३७॥ गुरुराज दीनदयाळ । सुरमंत्र दिधला तात्काळ । पुस्तक-पिंछि-कमंडल । क्रिया सकल प्रविष्ट केलि ॥३८॥ गुरुकृपेचे महिमान । आगम-सिद्धान्त-व्याकरण । अमरकोशादि संपूर्ण । त्याजकारण सिकविले ॥३९॥ पंचेंद्रिय दमन करि । सदा समता धरि अंतरि । क्रोध-कषाय-तुर्य-वैरि । त्यासि संव्हारि शांतिखड्ग ॥४०॥ भगवत्पदि लाउन चित्त । त्रिकाळ योग साधन करित । मुनिक्रिया जे समस्त । यथाशक्ति करितसे ॥४१॥ गुणज्ञ पाहोनि शिष्यासि । संतोषले निज मानसि । जैसे विजइ पुत्रासि । पाहोनि पित्यासि अल्हाद ॥४२॥ कित्येक दिवसानंतरि । गुरुआज्ञा घेवोनि सत्वरि । सोमदत्त मुनि दिगंबरि । एकलविहारि जाहाला ॥४३॥
Jain Education International
For Private & Personal Use Only
www.jainelibrary.org
