________________
लेश्या-कोश
३१३ कण्हलेस्सा णं भंते ! पुढविकाइया कइविहा पन्नत्ता, गोयमा ! दुविहा परत्ता, तं जहा-सुहुम पुढ विकाइया य बायरपुढविकाइया य ।
कण्हलेस्सा णं भंते ! सहुमपुढविकाइया कइविहा पन्नत्ता ? गोयमा ! एवं एएणं अभिलावेणं चउक्कभेदो जहेव ओहिउद्देसए, जाव वणस्सइकाइय त्ति।
कण्हलेस्सअपज्जत्तसुहुमपुढविकाइया णं भंते ! कइ कम्मप्पगडीओ पन्नत्ताओ ? एवं चेव एएणं अभिलावेणं जहेव ओहिउद्देसए तहेव पन्नत्ताओ तहेव बंधंति, तहेव वेदेति । __ कइविहा णं भंते ! अणंतरोववन्नगा कण्हलेस्सा एगिदिया पन्नत्ता ? गोयमा ! पंचविहा अणंतरोववनगा कण्हलेस्सा एगिदिया, एवं एएणं अभिलावेणं तहेव दुयओ भेदो जाव वणस्लइकाइय त्ति ।
अणंतरोववन्नगा कण्हलेस्ससुहुमपुढविकाइयाणं भंते ! कइ कम्मपगडीओ पन्नत्ताओ? एवं एएणं अभिलावेणं जहा ओहिओ अणंतरोववनगाणं उद्देसओ तहेव जाव वेदेति ।।
कविहा णं भंते ! परंपरोववन्नगा कण्हलेस्सा एगिदिया पन्नत्ता ? गोयमा ! पंचविहा परंपरोववनगा कण्हलेस्सा एगिदिया पन्नत्ता, तं जहा-पुढविकाइया, एवं एएणं अभिलावेणं तहेव चउकओ भेदो जाव वणस्सइकाइय त्ति ।।
परंपरोववन्नगकण्हलेस्सअपज्जत्तसुहुमपुढविकाइयाणं भंते ! कइ कम्मप्पगडीओ पन्नत्ताओ? एवं एएणं अभिलावेणं जहेव ओहिओ परंपरोववन्नगउद्देसओ तहेव जाव वेदेति । एवं एएणं अभिलावेणं जहेव ओहिएगिंदियसए एक्कारस उद्देसगा भणिया तहेव कण्हलेस्ससए वि भाणियव्वा जाव अचरिमचरिमकण्हलेस्सा एगिंदिया ।
जहा कण्हलेस्सेहि भणियं एवं नीललेस्से हि वि सयं भाणियव्वं ।
Jain Education International
For Private & Personal Use Only
www.jainelibrary.org
