Leshya kosha Part 2

SR No.: 016038
Original Sutra Author: N/A
Author: Mohanlal Banthia, Shreechand Choradiya
Publisher: Jain Darshan Prakashan
Publication Year: 2001
Total Pages: 740
Language: Sanskrit, Hindi
Classification: Dictionary & Dictionary
File Size: 11 MB

Page 413

२५१
लेश्या-कोश से नूणं भंते ! कण्हलेसे नीललेसे काऊलेसे नेरइए कण्हलेसेसु नीललेसेसु काउलेसेसु नेरइएसु उववज्जइ, कण्हलेसे नीललेसे काउलेसे उववट्टइ, जल्लेसे उववज्जइ तल्लेसे उववइ ? हंता गोयमा ! कण्हनीलकाऊलेसे उववज्जइ, जल्लेसे उववज्जइ तल्लेसे उववट्टइ। से नूणं भंते ! कण्हलेसे जाव तेऊलेसे असुरकुमारे कण्हलेसेसु जाव तेऊलेसेसु असुरकुमारेसु उववज्जइ ? एवं जहेव नेरइए तहा असुरकुमारा वि जाव थणियकुमारा वि । से नूणं भंते ! कण्हलेसे जाव तेऊलेसे पुढविक्काइए कण्हलेसेसु जाव तेउलेसेसु पुढविक्काइएसु उववज्जइ ? एवं पुच्छा जहा असुरकुमाराणं । हंता । गोयमा ! कण्हलेसे जाव तेउलेसे पुढविक्काइए कण्हलेसेसु जाव तेऊलेसेसु पुढविकाइएसु उववज्जइ, सिय कण्हलेसे उववट्टइ, सिय नीललेसे०, सिय काउलेसे उववइ, सिय जल्लेसे उववज्जइ तल्लेसे उववट्टइ, तेउलेसे उववज्जइ, नो चेव णं तेऊलेसे उववइ । एबं आउकाइया वणस्सइकाइया वि भाणियव्वा । से नूणं भंते ! कण्हलेसे नीललेसे काऊलेसे तेउकाइए कण्हलेसेसु नीललेसेसु काऊलेसेसु तेऊकाइएसु उववज्जइ, कण्हलेसे नीललेसे काउलेसे उववइ, जल्लेसे उववज्जइ तल्लेसे उववट्टइ ? हंता गोयमा ! कण्हलेसे नीललेसे काऊलेसे तेऊकाइए कण्हलेसेसु नीललेसेसु काऊलेसेसु तेऊकाइएसु उववज्जइ, सिय कण्हलेसे उववट्टइ, सिय नीललेसे उववट्टइ, सिय काऊलेसे उववट्टइ, सिय जल्लेसे उववज्जइ तल्लेसे उववइ । एवं वाउकाइयबेइंदियतेइ दियचउरिंदिया वि भाणियव्वा । से नूणं भंते ! कण्हलेसे जाव सुक्कलेसे पंचेंदियतिरिक्खजोणिए कण्हलेसेसु जाव सुक्कलेसेसु पंचेंदितिरिक्खजोणिएसु उववज्जइ पुच्छा। हंता गोयमा ! कण्हलेसे जाव सुक्कलेसे पंचेंदियतिरिक्खजोणिए कण्हलेसेसु जाव सुक्कलेसेसु पंचेंदियतिरिक्खजोणिएसु उववज्जइ, सिय कण्हलेसे उववट्टइ जाव सिय सुक्कलेसे उबवट्टइ, सिय जल्लेसे उववज्जइ तल्लेसे उववइ । एवं मणूसे वि । वाणमंतरा जहा असुरकुमारा । जोइसियवेमाणिया वि एवं चेव, नवरं जस्स जल्लेसा । दोण्ह वि 'चयणं' ति भाणियव्वं ।
-पण्ण० प १७ । उ ३ । सू २८ । पृ० ४४३-४४