Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 448

३६१
४१. विवेकिजनस्वकृतकर्मोदयोपनतदुःखाधिसहनाधिकार मेतार्याख्यानकम् इय भणिऊणं सहस त्ति सुरवरो [ सो ] अदंसणीहओ। ऊरणगो वि हु रयणाणि मुयइ रविकंतिरुइराणि ॥२१४॥ तत्तो मेयजपिया थालं रयणाण पूरियं काउं । रायदुवारे चिट्ठइ मग्गंतो कन्नयं रन्नो । २१५॥ अभयकुमारो पुच्छइ तुज्झ कुओ एरिसाणि रयणाणि ?। तेणोइयमूरणगो पइदिणमेयाणि वोसिरह ।।२१६।। तो भणियमभयकुमरेण भद्द ! मेरिसगमूरणयरयणं । न विरायइ तुह गेहे ता आणसु रायअत्थाणे ॥२१७।। तेण वि तहेव विहिए रायत्थाणम्मि पयडमूरणओ । मुंचइ असुई फुटृति जम्मि गंधेण नासाओ ॥२१८॥ उब्वेविएहिं तत्तो पुणरवि नीओ गिहम्मि तस्सेव । तत्थ तहेव य वोसिरइ ताणि रयणाणि पवराणि ॥२१९॥ तो जाणियमभएणं नणमिमा का वि देवमाय त्ति । तो भणिओ से जणगो परिक्खणत्थं पणयपुव्वं ॥२२०॥ भो ! एस मज्झ जणओ निच्चं चिय जाइ वंदणनिमित्तं । सिरिवीरजिणेसरपायपउमजुयलस्स सुकुमारो ॥२२१॥ किच्छेणं पयचारेण चडइ वेभारपव्वयपहम्मि । ता जइ रहमग्गो तत्थ कह वि संजायए सुहओ ॥२२२॥ ता तुह सुयम्स तुट्टो वियरइ नियकन्नगं महीनाहो । इय भणिए संपन्नो पव्वयसिहरम्मि रहमग्गो ॥२२३।। तो निच्छियमभएणं सुरमाया एस विभमो नस्थि । काही अवरं पि हु तप्पभावओ एस मायंगो ॥२२४॥ तो केण पयारेणं जणाववाओ अवेइ ? हुं नायं । आणावयामि जलहिं जेण इमो तस्स वेलाए ॥२२५|| छत्ते धरिजमाणे नरवइसिंहासणे विहियण्हाणो । होइ पवित्तो इय वेयवयणमेवं बुहा बॅति ॥२२६॥ इय चिंतिऊण भणिओ मेओ भो ! जइ समुद्दमाणेसि । तो तुझ भद्द ! भणियं वयणमसेसं पि कुणइ निवो ॥२२७॥ एवं कए कुओ वि हु जलही रायगिहपरिसरे पत्तो । सो केरिसओ दिट्ठो इंतो नयरे निवाई हिं ? ॥२२८॥ महिहरसमुन्भवाणं सरियावहुयाण विलसिररसाणं । सव्वंगं पयर्डतो लवणरसं सामलसरीरो ॥२२॥ एस सलूणो सरसो गरुओ गंभीरिमाए गुणनिलओ । इय जस-कित्तिं जो वहइ पयडडिंडीरपिंडमिसा ॥२३०॥ एगेगमीण-मयरं नाणाविहमीण-मयरसंकिन्नो । सफरोव्वत्तियमिसओ सकडक्खं नियइ जो गयणं ॥२३१॥ सिरिधर-सुरवरमहिओ विलसिरमयजलकरिंदसियमुत्ती । सुरयणपरिजुसियपओ सक्खं सक्को व्व जो सहइ ॥२३२॥ महिहरपसंसिओ हं सिरिजणओ हं अलद्धमज्झो हं । इय विहियगरुयगव्वो जो गजइ गहिरसद्देण ॥२३३॥ मयरसिओ दुरहिगमो जडपयइत्तं पयासयंतो व्व । गज्जंतो अच्चम्गलमुल्ललियमहल्लकल्लोलो ॥२३४॥ बहुसत्ताहाराओ करुणारसपूरियत्तगुणओ य । सप्पुरिसो व्व विरायं सुव्वत्तममुक्कमज्जाओ ॥२३५।। रणरसियसेयसंखो घणरसकरि-तुरयसिरिसमाउत्तो । अणुरूवसंगमकए निवो व्व सेणियनिवं पत्तो ॥२३६॥ आलिंगतो गुरुतरकल्लोलभुयाहिं रायगिहनयरं । नेहेणमप्पसरिसं सप्पायारं ससुरभवणं ॥२३७॥ जलवित्थारेण मए पायाल-मही-नहाई रुद्धाइं । इय दप्पेण व नहयलमुल्लंघइ हल्लिरजलोहो ॥२३८॥ इय एवंविहरयणायरस्स वेलाजलेण सो न्हविओ । मेयजो भूवइपमुहपउरलोएण सप्पणयं ॥२३९॥ तत्तो य सुहमहत्ते रत्ना परिणाविओ नियं कन्नं । विहिओ पुणरवि रायाइएहिं नयरम्मि परममहो ॥२४॥ तो सो सेणियनरवइविइन्ननिरुवमसमुच्चपासाए । सयणीया-ऽऽसण-भोगोवभोग-परिवारपरियरिओ ॥२४॥ पंचविहविसयमुहमुभयहा वि नववहुयचंद्रपरिकलिओ । उवभुजंतो दोगुंदुगो व्व देवो गमइ दियहे ॥२४२॥ तत्तो बारस वरिसाणि तस्स नाणापयारकीलाहिं । ललमाणम्स मुहुत्तं व्व सुत्थमणसो अईयाणि ॥२४३।। पुणरवि य मित्तदेवो अबइन्नो तस्स बोहणनिमित्तं । पेच्छ अपुवा पडिवन सूरया का वि सुयणाण ॥२४॥ दटुं देवं सिरि रइयरुइरकरकमलसंपुडो सहसा । मेयजो सजो पत्थुयत्थकजम्मि संजाओ ॥२४५॥ एत्थंतरम्मि पयडियनवाओ ताओ नवावि बहुयाओ । ललियक्खर-सुहयर-लडहवाणिविन्नत्तिपवणाओ ॥२४६।। उत्तालगमणरणझणिरनेउरारावमुहलियदिसाओ। जंपंति पहु ! पसायं अम्हाण वि एत्तियं कुणसु ॥२४७॥ तासि पि हु पडिवन्नं देवेण दयालुणा तयं वयणं । पणइयणपत्थणाभंगभीरुणो हुँति जं गरुया ॥२४॥ ता तेसिं बारसगं वरिसाण तयं पि दुयमइक्वंतं । जंतं पि हु कालं जंन मुणइ सुहिओ सुहेल्लिवसो॥२४॥
www.jainelibrary.org.