Page Text
________________
२६०
आख्यानकमणिकोशे तत्थ य छिदण-भिंदण-उक्त्तण-दहण-दंभणाईयं । विसहंति तिव्ववियणं तेत्तीसं सागरा जाव ॥४९॥ तत्तो वि य उबट्टा जीया तिरिएसु जति विविहेसु । मायाबहुला बहुकवडकूडपरवंचणुज्जुत्ता ॥४११॥ तत्थ वि वाहण-दोहण-दहणंकण-छुह-पिवास-सहणाई। भारारोवण-सीया-ऽऽयवाणसहणं सहति दुहं ॥४९२॥ तत्तो वि खवियकम्मा-पयईए पयणुमाण-मय-कोहा । अज्जवगुणभावियमाणसा य मणुया पयायंति । ४९३|| तत्थ वि दारिद्दहया दोहग्गकलंकदूसियसरीरा । कुकलत्तपराभूया अपत्तपुत्ताइसंताणा ॥४९४॥ मुक्खत्तसिरोमणिणो कुवन्न-कुस्सर-कुरुवयाभिहया। आजम्मं बहुविहकास-सास-रोगाभियतणुणो ॥४९५|| तम्हा तेसु वि सोक्खं न किंपि परमत्थओ महाराय ! | नवरमिमो मणुयभवो धम्मगुणाराहणाओ सुहो ॥४६६॥ जम्हा मणुयभवे च्चिय पडिवन्नो संजमो तवो होइ । दव्वत्थओ य परमो विसिट्टसम्गोऽपवग्गो य ।।४९७॥ परमेयम्मि वि बहवो निम्वित्ताणा सिणेहपडिबद्धा । बहुविहपावपरिग्गहमुच्छियहियया कुबुद्धीया ॥४९८|| जोव्वणमयउम्मत्ता परलोयपरम्मुहा पमायपरा । विसयासत्ता अजरामर व्व चिट्ठति मूढऽप्पा ॥४९॥ देवेमु वि नत्थि सुहं चिंतिज्जंतं सतत्तबुद्धीए । ईसाविसायपरपरवसित्तदुहदूमियमणेसु ॥५००॥ ते वि हु कोहाभिहया माणमहासेलचंपियावयवा । मायासल्लियहियया लोहमहाजलहिणिन्छुड्डा ॥५०१॥ विज्जति कसाया जत्थ निव्वुइं तत्थ राय ! मा मुणसु । पज्जलइ जत्थ जलणो जाण को तत्थ मुत्थत्तं ? ॥५०२॥ किं बहुणा भणिएणं ? पभवंति कसायसत्तणो जत्थ । गयणे अरविंदं पिव मा जोयमु तत्थ सुहसत्तं ।।५०३।। इय चउगइभवरूवे संसारे दुक्खिओ भमइ जीवो । संपय सासयसोक्खे मोक्खे जह वसइ तह मुणसु ॥५०४॥ मोक्खो असेसकम्मस्स संखए सो य संवहेऊण । मिच्छत्ता-ऽविरइ-कसाय-दुट्ठजोगाण सव्वेसिं ॥५०५॥ होइ विपक्खासेवणदारेण नरिंद ! सो उण विवक्खो । सम्मत्त-णाण-दसण-चरणाणि विमुद्धरूवाणि ॥५०६॥ जह वत्थाईण मलो सुज्झइ मुहवारिसंपओगेण । तह सम्पाइपओगा कम्ममलोऽवेद जीवाणं ॥५०७|| तो सव्वकम्मविगमे सरूवलाभम्मि निच्चओ जीवो । सासयसोक्खे मोक्खे अणाइनिहणं वसइ कालं ॥५०८।। सो तम्मि निराबाहो केवलवरनाण-दसणपईयो । अणुभवमाणो निवसइ निरुवमसोक्खं जओ भणियं ॥५०९॥ न वि अस्थि माणुसाणं तं सोक्खं न वि य सव्वदेवाणं । जे सोक्खं सिद्धाणं अव्वाबाहं उवगयाणं ॥५१०॥ जह नाम कोइ मेच्छो नयरगुणे बहुविहे बियाणंतो । न चएइ परिकहेउवमाए तहिं असंतीए ॥५११॥ इय सिद्धाणं सोक्खं अणोवमं नत्थि तम्स ओवम्मं । किंचि विसेसेणेत्तो सारिक्खमिणं सुणह वोच्छं ॥५१२॥ जह सव्वकामगुणियं पुरिसो भोत्तण भोयणं कोइ । तन्हा-छुहाविमुक्को अच्छेज जहा अमयतित्तो ॥५१३॥ इय सव्वकालतित्ता अउलं निव्वाणमुवगया सिद्धा । सासयमव्वाबाहं चिट्ठति सुही मुहं पत्ता ॥५१४॥ इय सोउं उवएसं सवणसुहामयपवाहसारिच्छं । भवभयसंभंतो भणइ भूवई भव्बपरिणामो ॥५१५॥ भयवं! जं तुम्मे भणह भीमभवभयमिमेसि भव्वाणं । भवभयभीयाणं तत्थ विभमो मह मणे नत्थि ॥५१६॥ ता एवं मणुयभवं सफलं काहामि तुम्ह पासम्मि । पडिवज्जिय पव्वजं काऊणं रज्जमुत्थत्तं ॥५१७॥ एत्थंतरम्मि मत्थयनिहित्तकरकोससंपुडा देवी । रिसिदत्ता मुणिनाहं परिपुच्छइ पउरपच्चक्खं ॥५१८॥ भयवं ! रक्खसिवाओ मह जाओ केण कम्मुणा ? कहह । नाऊणऽइसयनाणेण कोऽयं मज्झ अइगरुयं ॥५१॥ तो पारद्धो कहिउं भद्दजसो गणहरो मिउगिराए । अवहियचित्ता होउ खणमेक्कं सुणसु तं भद्दे ! ॥५२०॥ अस्थि इह जंबुदीवे नयरं गंगा उरं मणभिरामं । चित्तमिम ज़ न तयं कयाइ विसमक्खपरिभुत्तं ॥५२१।। तं पालइ नरनाहो अरिवम्गकुरंगसंहरणवाहो । नामेण गंगदत्तो रिओगयघडदलणथिरसत्तो ॥५२२॥ सव्वंते उरसारा गंगा नामेण तस्स पियभज्जा । नामेण गंगसेणा तस्स सुया सव्वगुणदइया ॥५२३॥ चंदजससाहुणीए पासे तीए जिणिदपन्नत्तो । पत्तो धम्मो सा तं परिपालइ सुद्धपरिणामा ॥५२४॥
ITIM
१. जीवस्स रं०।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |