Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 299

२१२
आख्यानकमणिकोशे
सा तारिसकुलसंभव विसिट्ट, कइया वि धूमसिहिं सह विणट्ट । अहमवि भमामि रिउभावजुत्त, न यणामि किंपि परमत्थु तत्त । कीलानिमित्त आइय उ एत्यु, सहुँ भज्जई सेजहिं रमउ सत्थु । पाविट्टि आवि ओवधु अज्जु, एयारिसमित्तहं पडउ वज्जु । गउ दुक्खु लेवि सहु तीए पावु, धूमसिहु अहव दहणसभावु । घिमि ! घिसि ! धिरत्थु जगि महिलियाहं, मित्तह वि विसयविसकवलियाहं ! ।। नामाइ मुणेविणु, सुकिउ सरेविणु, 'पुण दंसणु भणि सुद्धमइ । वेरम्गपबन्नउ, चित्ति विसन्नउ, कर जोडिवि गउ अमियगइ ॥५॥६०४॥ तमु टावह सो वि हु चारुदत्तु, गउ गेहि निद्धमुहिसंपउत्तु । विन्नायसमग्गकलाकलावु, जोव्वणि संपत्त विमुद्धभावु । सव्वत्थु नामि माउलउ तासु, धण-कणसमिधु चड्डियविलायु । तसु अस्थि पढमजोव्वणरवन्न, रन्नावि जेव मित्तवइ कन्न । सहु तीए तासु वीवाहु जाउ, संपन्नसयणगरुयाणुराउ । मित्तवइसमउं पर चारुदत्तु, कलरसिउ न भोगहं देह चित्त । दुल्ललियवयंसह मज्झि छुद्रधु, नं बधु बिगलउ जेत्थु दुधु । सामग्गिवसिण भोलियउ नेहिं, पाडियउ वसणि पावेहि तेहिं ।। अप्पणई कुवासिं, भवअन्भासिं, एक्कु जि जीवह पावरइ । तारिसववरसिं, गुरुउवए सिं, कव न पसरह विसयमइ ॥६॥६०५।। जहिं कुट्टणि गरुय कलिंगसेण, तमु धूय सुरूव वसंतसेण । तहिं वेसावाडइ तेहिं छुदधु, वेसह सरूवु अमुणंतु मुधु । अहु वेस विसिट्ठिय हुंति केंच, उच्चिट्ठिय निग्विणि गुणहि जेम्ब । धणलुद्धिय किम्च कोढिउ रमंति, निद्धण गरुओ वि परिच्चयंति । मणिदुट्टिय चाडुसयई करेंति, पररंजणत्थु कवळि मरंति । जउं पोसगु पुज्जइ महुर ताव, अवरत्थ निंबवक्कलिय पाव । रूयडउ सो जि सोहगिउ सो जि, धणवंतु जु रंजहिं किंव अभोजि । निष्फलिं सह सेजहिं न उ सुयंति, झंझोलवि तरुवरु जिम्चे मुयंति ॥ सहु तीए विलासिहिं, पसरियहासिहि, सोलह कोडि सुवन्नह । चड्डिय उक्करिसिहिं, बारह वरिसिहि, निहणह नीय रवन्नह ॥॥६०६॥ निग्घिणइ निरूविवि बहुपयारु, मोसारिय जाणिवि लुत्तसारु । पाविट्टइ पाइवि मज्जपाणु, बाहिरि छड्डाविउ साबमाण । उट्टिवि गउ गहि विसन्नचित्त, तं दिट्ट कुमुण जिम्ब नवित्तु । नरबइहि गेहु जिम्ब विगयसोहु, मुणिमाणमु जिम्व परिगलियमोहु । काउरिसिं सरिसु विणदारु, भग्गालउ जेम्ब जुवाणिवारु । मित्तवइ निएविणु कंतु पत्तु, उक्खिवि अब्भुक्खणनीर' पत्तु ।
१. पुणु २० । २. समिद्ध रं० । ३. जेय रं० । ४. जिम २० । ५. नीरु २० ।