Page Text
________________
२३. व्यसनशतजनकयुवत्यविश्वासवर्णनाधिकारे भावभट्टिकाख्यानकम् सहु तीए मुहउ सत्रु गेहवामु, जमऽपुत्तु एक्कु परदोमु तामु ।। कुलवंसुद्धारणि, पुत्तह कारण, सेट्टि समजु वि. दुक्खियउ । संसारि महालइ, एवदुहालइ, माइ कवणु किर मुत्थियउ ॥१॥६००॥ इय जा जिणिंदपूयणरयाई, चिटुंति निसामियजिणमयाइं । ता तत्थ नाण-चारित्तपत्तु, चारणमुणि जिणहरि कोवि पत्तु । पुच्छियउ सुभद्दई पुत्तजम्मु, मुणिराउ वियाणियसमणधम्मु । जाणिवि गुणु नाणिण तीए कोवि, होहीइ भणविणु गयउ सो वि । .. आहूयउ तक्खणि तीऐ गम्भु, जो अन्नह महिलह पुन्नलम्भु । नवमासिहिं अद्धट्टमदिणेहिं उप्पन्नु पुत्तु तहिं सहुं गुणहिं । सुहलक्खणलक्खियचारुगत्तु, तसु नामु पइटिउ चारुदत्तु ! वडतु अइच्छियबालभावु, अव्भसियसमत्थकलाकलावु ।। हरिसीहपमुक्खिहिं, अइसयदक्खिहि मित्तिहिं सहियउ निउणमह । अगमंदिरपव्वइ, कीलणभव्वइ, गयउ जेत्थु गिरिनइ वहइ ॥२॥६०१॥ तहिं नइहि पुलिणि तिणि जंति अंति, थी-पुरिसहं दिट्ठिय पयह पंति । अणुमग्गि तीए विप्फुरियथामु, कयलीहरु गउ सुंदरधामु । तहिं खग्गु दिटु सेज्जासणाहु, नररयण अन्नु दुखिउ अणाहु । अयकीलिहि कीलिउ रुक्खि सहिउ, तसु दुखि निरारिउ हियइ वहिउ । जा जोइउ तावऽज्ज वि सजीउ, परितम्मइ सरसदयापरीउ । अवलोयइ जावहि तासु खग्गु, ता पेच्छइ ओसहितिगु विलग्गु । उक्कीलिय तावुक्कीलिणीए, संरोहिय वणसंरोहणीए । चेयन्नु कयउ संजीवणीए, पड्डपन्नु हुयउ ओसहिमणीए । चितियइ न जं मणि, न य दीसइ जणि, जुत्ति वियारि न जं घडइ । तं पि हु सो पाविउ, तिणि जीवाविउ, सव्वु सपुन्नहं संपडइ ॥३॥६०२।। तउ अग्गइ दिट्ठउ चारुदत्तु, तिं भणि मज्भ तुहुं लंधु मित्तु । जिम्व कीलिउ हउं इह अकयपाउ, अक्खणह लग्गु जिह एत्थु आउ । 'वेयद नामु भारहि गिरिंदु, सुरयणिहि समन्निउ नं सुरिंदु । सिवमंदिरु दाहिणि तासु नयरु, तहिं राड महिंदविक्कमु सखयरु । अमियगइनाम हउं तामु पुत्त, चिट्ठामि जाव सुहसंपउत्तु । धूमसिह-गउरमुंडाभिहाण, दुइ मज्झ मित्त ! हुय गुणपहाण । हिरिमंतु नामु नगु कलियवोमु, तावसु माउलट हिरन्नरोमु । तहिं निवसइ मज्मु सिणेहवंतु, हउं तहिं समित्तु गउ जंतु जंतु ॥ तमु धीय मणोहर, पुन्नपओहर, विहिवाहिं परिकम्मविय । तावणि अन्नाणहं, हरणि जुवाणह, कामभल्लिनं निम्मविय ॥४॥६०३।। सुकुमालिय नामि मझ कज्जि, सा ताई मग्गिय नेहसज्जि । सा मई वीवाहिय सुहइ लग्गि, सहु तीए वसउ जिम्ब सक्कु सम्गि ।
१. रायरं० । २. तीइ रं० । ३. बेयट्ट २० । ४. नाम रं० । ५. गउरसुंडा रं० । ६. जिम रं० ।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |