Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 296

२३. व्यसनशतजनकयुवत्यविश्वासवणेनाधिकारे भावभट्टिकाख्यानकम
२०६
अवि ससुरा-ऽसुरभुवणं जिप्पद समम्मि वीरसतहिं । न हु पुब्बभवसमजियमुहा-सुही कम्मपरिणामो ॥५३८|| पुरिसक्कारपरेहिं वि विहिपरिणामो खलिजइ न जम्हा । ता एरिससंसार मा तम्मसु जीव ! मणयं पि ॥५३९॥ इय चिंतंतो वडपायवम्मि उबंधिओ तलारहि । तह कालिरगोयालाणुन्नइया वि हु मुहे पडिया ॥५४॥ इय मित्तमरणनिटूरवजपहारेण ताडिओ व्व निवो । सह रयणमंजरीए धस त्ति धरणीयले पडिओ ॥५१॥ नियपरियणेण सित्तो जलेण उवलद्धचेयणो राया । लल्लक्कमुक्कपोको अक्कंदइ गरुयसद्देण ॥५४२॥ हा मित्त ! मित्तरहियं व नहयलं मन्झ सोहइ न रज्ज। मणवल्लह ! तुह विरहे भुवणमरन्नं व पडिहाइ ॥५४३॥ हा बंधव ! तइय च्चिय निवारिओ तं मए विदेसम्मि । गच्छंनो तह वि तुमं न ठिओ कम्माणुभावेण ॥५४४॥ हा ! तइया मज्झ कए आणीया रयणमंजरी देवी । अकयन्नुणा मए पुण तुह साहेजपि न य विहियं ।।५४५|| विलवइ देवी वि तओ सल्लंती मुणिजणम्स हिययाइ। हा हा देवर ! गुणनिहि ! निक्कारणपरमकारुणिय ! ।।५४६॥ हा मित्तकज्जवच्छल ! परोवयारेककरणतल्लिच्छ ! । हा सच्छासय ! सुंदर ! ता इहि कत्थ दीसिहसि ? ॥५१७॥ हा ! तइया मज्झ कए विहियाओ तए अणेगबुद्धीओ । नियमरणवसणसमए हा ! भुल्लो कह तुमं वच्छ ! ? ॥५४८॥ हा हा ! सुपुरिसरयणं अवहरिऊणं कयंत ! किं पत्तं ? । हा हा हयविहि ! निधिण ! पुजंतु मणोरहा तुज्झ ॥५४९॥ एत्थंतरग्मि सूरी करुणारसरसियमाणसो भणइ । नरनाह ! परिसो च्चिय संसारो किविसाएण ? ||५५०|| जम्हा संसारवियाणएहिं जिणवयणभावियमई हिं । न हु सोगो कोयचो नट्टविणट्टम्मि कजम्मि ॥५५१॥ किर कम्स थिरा लच्छी ? कस्स जए सासयं पिए पेम्म ? । कम्स व निच्च जीयं ? भण को वन खंडिओ विहिणा ? ॥५५२॥ अन्नं च हयकयंतो न नियइ दढपेम्मपरवसाण दुहं । न गणइ कुटुंबभंगं न य चिंतइ मित्तविच्छोहं ।।५५३।। न य परिभावइ पिय-माइपभिइवुडत्तणं नवरमेसो । सच्छंदमुहं वियरइ भंजंतो मत्तहत्थि व्व ॥५५४॥ इय एवभावणाए संसारासारयं वियाणित्ता । परिहरमु राय ! सोयं कुगइकरं मुगइ पडिवक्खं ॥५५५।। इय निसुणिऊण सोयं परिहरिऊणं पयंपइ नरिंदो । मुणिनाह ! मज्झ मित्तो मरिऊणं कत्थ उववन्नो ? ॥५५६॥ तो भणइ मुणिवरिंदो मरिऊणं रयणमंजरीगम्भे । जो चिट्ठइ सो होही तुह पुत्तो कमलगुत्तो ति ॥५५॥ तो निययमित्तपुत्तत्तणेण परितुट्टमाणसो राया। जंपइ पुचभवम्मि भयवं ! अम्हहिं कि विहियं ? ॥५५८|| मित्तस्स जेण मरणं मारिकलंकं च अग्गमहिसीए । बधूहि मह विओगो कहइ तओ मुणिवरिंदो वि ॥५५९॥ इह तइयभवे खेमंकरो त्ति कोडुबिओ तुमं आसि । सञ्चसिरी तुह दइया कम्मयरो चंडरुद्दो य ॥५६०॥ अह अन्नया कयाई कम्मयरो खेत्तरक्खणनिमित्तं । गच्छंतो संपेच्छइ कप्पडियं वाडिअंतरियं ॥५६१।। नवचवलयसिंगाओ गिण्हतं हकिउं भणइ एवं । रे रे ! एयं पावं उबंधह रुक्खसाहाए ॥२६२।। तो कप्पडिओ तं निमुणिऊण अइदूमिओ नियमणम्मि । कम्मयरो विहु खेत्ताओ आगओ ताव गेहम्मि ॥५६३|| ता राय ! तुझ वहुयाए भुंजमाणीए लग्गियं गलए । भणियं सच्चसिरीए किं रक्खसि ? भक्ग्वसे न थिग ? ॥५६४॥ अह अन्नया नरेसर ! कम्मयरो जंपिओ तए एवं । भद्द! तुमं मह कजे गच्छम् अमुगम्मि गामम्मि ।।५६५।। सामि ! अहं अक्खणिओ पभणइ कज्जेण निययसयणाण । अह सो तुमए भणिओ मिलंतु मा तुज्झ ते सयणा ।।५६६।। तुम्भेहिं तओ दुम्भासिएण समुवज्जियं अमुहकम्मं । एत्थंतरम्मि पत्तं मुणिजुयलं तत्थ भिक्दट्टा ।।५६७|| दट्टण तयं तुमए पयंपिया पणइणी मुणिंदाण । भत्तं पाणं वियरसु उत्तमपत्तं जओ एए ॥५६८॥ तब्वयणसवणसमयुच्छलंतरोमंचकंचुयंगीए । महुराहारेण तओ मुणिणो पडिलाभिया तीए ॥५६॥ चिंतेइ चंडरुद्दो निययमणे पुन्नभायणमिमाणि । जेणेरिसाए भत्ताए एत्थ पडिलाभिया एए ॥५७०।। तो दाणफलेण तए सकलत्तेणं समजिय राय : । अणुमायणेण तेण वि समाजयं भोगकम्मं ति ।।५७१।। एत्थंतरम्मि तुम्हाण उवरि आउक्खए नहयलाओ। तइयडिऊणं पडियं तड त्ति तडिमंडलं तत्थ ॥५७२।। मरिऊण तओ मुहभावलद्धसोहम्मदेवलोगम्मि । उप्पजिऊण नेहेण तत्थ भुंजित्त सोक्खाइं ॥५७३।।