Page Text
________________
१३८
Jain Education International
आख्यानकमणिकोशे
पवरकन्न व्य संपन्ननववरणया, साहुमुत्ति व्व सोहंतसुहकरुणया || इय यपयारेहिं, विहियवियारेहिं, सो गिरि निरुवमतरुवरेहिं । अइयारि विरायह, महिहिं न मायइ, तमु जसु संसि सुखरेहिं ||८|| तो तत्थ हेमकूडाभिहाणु दिट्टउ वाइउ मायापहाणु |
कहिं भद्दय ! पत्थउ ? पुट्टू तेण महि भमहि नाई वज्जि उं घणेण । तो कहि स नियचरिउ तेण, तं सुणवि पयंपिउ वाइएण । ईसरह सिरोमणि करडं तई, तो भणिउ तेणाऽणुभ्गहहि मई । आरूढ दो वि तो गिरिहि सिहरि, संजुत्ति धाउ - मूलियहं पयरि । अवरोप्परु मीसिवि धमिउ जाव, दिप्पन्तु सुवन्नउं हुयउं ताव । तं गिहिवि तो गय कहिंवि गामि, तर्हि सुत्ता सुन्नइ देवथामि । तो बाइउस सुवन्नु लेवि, नट्टउ दिउ सुत्तउ तहिं चएवि ॥ तो उगइ तरणिहिं, जोइउ धरिणिहिं, तेण न कत्थइ दिउ । बीहंत, त्ति तुरंतउ, धरणीवीढि पट्टउ ||९|| गहियसोगो तओ चितए सो मणे, पुन्नहीणेहिं न हु किंपि लभइ जणे 1 तह वि धीरेण गरुएण होयव्वयं, लब्भए जेण नियमेण भवियन्वयं । एव चिंतंतु चित्तम्मि पुण गच्छए, जाव जोगीसरं जोगियं पेच्छए । तयणु नमिऊण सप्पस्सयं तप्पए, सिद्धजोगि त्ति काऊण स पयंपए । रुदारिद्ददुक्खेण अइदु क्खिओ, तुम्ह सरणं पवन्नो धणे कंखिओ । तापसायं क [रे] ऊण दविणज्जणे, हेउमुवइससु अवमाणमलमज्जणे । सो वि उवरोहसीलो तयं जंपए, नाममेत्तेण जणि जेणमणुकंपए । सो महामंतु सोवन्नधणदायगो, अत्थि मह भद्द ! मंताण वरनायगो || तो तेण पयंपिउ, भयवं ! मह पिउ, देहि मंतु एहु दय करिवि । जो करइ न बंधणु वियरइ कंचणु, दुहु दोगच्चह अवहरवि ॥ १० ॥ दिन्नु जोगिएण तसु मंतु विहिपुव्वयं कहिउ साहणउवायाइयं सव्वयं । किण्हचा उद्दसीए महापियवणे, मडय-वेयाल- फेक्कारभीसावणे । मंतकुसुमेहिं जलणम्मि होयव्वयं, नो रउद्दोवसग्गाण भयव्वयं । जाव निस्सरइ जलणाउ कंचणनरो, विज्झवेयव्वओ तयणु वइसानरो । कणयपुरिसोन छिन्नो वि सो निट्टए, सो वि जोगेसरेणेरि सो सिट्टए । पणमिणं पए तस्स सोमप्पहो, पत्तु कम्मिवि निवेसम्मि सोमप्पहो । कसिण- चउदसानिसाए मसाणट्टिओ, जाव होमेइ उवसग्गु तावुट्टिओ ॥ फेक्कारहिं डाइणि, हक्कहिं साइणि, कंपिय धरणि सगिरि - कुहर | जा खुहिउ न झाणह, सत्तपहाणह, ता गय तिन्नि निसिहि पहर ॥११॥ तो पच्छिमपहरि करालकाय, हक्कत पत्त रक्खसनिकाय । फेक्कारुग्गिन्न जलं तजलण, अड्गरुयसिलायलसरिसचलण । अट्टहासपूरियदियंत, नियकरकवाले लोहिउ पियंत । कंदंत रुलंत समुल्ललंत, पयददुरघा एहिं महिं दलंत ।
For Private Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |