________________
१३६
आख्यानकमणिकोशे एत्वंतरि पत्तउ निरु गिजंतउ. चित्त मास महयरगणेण ॥१॥ वियसिया जत्थ सहयारतरुमंजरी, कामभल्लि व्व विरहियणसल्लंकरी । कुसुमिया किंया कीरचंचुप्पहा, विरहियणदहणपजलियचियासच्छहा । फुल्लिया मल्लिया फुरियवरगंधया, महुयरा जीए महुपाणमयअंधया । सहइ वियसंतिया कुंदकुसुमावली, नं वसंतस्सिरी दित्तदंतावली । पाडलापरिमलाइन्नमलयानिलो, नं महुत्थीए निम्सासवरपरिमलो । कोइलाकलयलारावबहिरियवणं पेच्छिउं पहियलोयाण झिजद मणं । सहइ पवणेण वणराइ कूयंतिया, नं समासाइउं वरमहुं मत्तिया । सुब्बए मंजुरुणझुणिर भमरावली, कामएवस्स नं गिज्जए कागली ।। इय अवरि वि तरुवर, विलिहियअंबर, नवपवाल भरमंथरिय ।
सिंगारियपुरिसिहि, कयमहहरिसिहि सहं कुसुमिहिं समलंकरिय ॥२॥ तथाहि
बियसिय कंकेल्लि सकंचणार, पुन्नाग नाग फुल्लिय अपार । ककोल लवल कयकुसुमबंध, पोमिणि पबुद्ध परिमलसुयंध । उम्मीलिय एलाऽगरु लवंग, हिंताल ताल कयकुसुमसंग । उन्जिभिय[....."]धवसणाह, कप्पूर कलिय कुसुमियससाह। मउरिय पिचुमंद निरंतराल, मंजरिय तिलय सपियंगुसाल । पसविय असेस कणियारयाउ, कलियाऽभिराम मालूस्याउ । मचकुंद कुंद कलिया विचित्त, जंबीर जाय पसविहिं पवित्त । केसर तमाल हुय कुसुमसार, विहसिय तरु अवरि वि बहुपयार ।। इय चित्ति पहुत्तइ, परहुयमत्तइ, कामकेलिविणिहियहियय । गीएहि गिजंतइ, जणि नच्चंतइ, चत्तारि वि उज्जाणि गय ||३|| आढत्त तेत्थु अंदोलिकील, तरुणीयणमणहरकामलील | तो मिलिए असेसए तरुणिवग्गि,, गणियागणि आगइमणहरिल्लि । जायउ अंदोलारुहणि ताहं, अन्नोन्न कलहु पन्नंगणाह ।। तो पभणिउ नयरमहाजणेण, किं गज्जहु अलियमडप्फरेण ?। जा चाई कणयह लक्खु देइ, जणि सज्जि पढम अंदोलएइ । तो ताहिं निरूविउ पियह वयणु, पडिभणिउ धणेसरु समयवयणु । हउ कामरइहि [ - - - - - - - - - - - - - - -----
------------] विसाय सुवयणु । बंदिहि थुव्वंती, जणु रंजंती, चडिय झत्ति अंदोलइ । पडिवक्खु हसंती, चाइ करंती, कणयलक्खु इय हेलइ ॥४॥ तो कामपडाय विलक्ख जाय, उवहसिय जणिहि ठिय सामछाय । अधणतणेण सोमप्पहो वि, उवहसिउ विलक्खिउ हुयउ सो वि । न पुणो तीए गेहम्मि गयउ, चिंतणह लग्गु दुहभरियहियउ ।
१. सुसाह -२०॥
Jain Education International
For Private & Personal Use Only
www.jainelibrary.org
