Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 196

१०९
८. जिनपूजाफलवर्णनाधिकारे पनोत्तराख्यानकम् पणमित्तु पायपउमं सूरीण सहम्सपत्तमप्पंति । तं दट्टण पयंपंति सूरिणो महुरवाणीए ॥२४॥ अमरकरि ब्व करीणं कंचणसेलो ब्व अवरसेलाणं । तारावइ व्व ताराण कप्परुखो व्ब रुक्खाणं ॥२५॥ मुरनाहो व्व मुराणं धम्माणं जिणवरिंदधम्मो व्य । चक्कि व्व नरिंदाणं इयरफणीणं फणिदो व्व ॥२६॥ चिंतामणि व्व रयणाण सेसजाईण मणुयजाइ व्व । सव्वेसि तित्थयरो जमुत्तमो तम्स ताजोगं ॥२७॥ तो गंतु जिणभवण जिसरं नंदणस्स दसति । सो विहु पभूयभत्तीए मुयइ जिणनाहसिरकमले ॥२८॥ सब्वे वि जिणं तत्तो खोणीमंडलमिलंतसिरकमला । बहुमाणवससमुच्छलियबहलरामंचकंचुइया ॥२९॥ सूगहिं तओ तेसिं पयासियं भयवओ गुणसवन्नं । विहिया य उचियसद्धम्मदेसणा बहुमया तेसिं ॥३०॥ जायं च बाहिबीयं भोगफलं कम्ममज्जियं तेहिं । जायं अणुमइपुन्नं कुमारिगाणं चउण्हं पि ॥३१॥ अवरुप्पराणुबंधेण तम्मि जम्मम्मि ताण सर्वसिं । जाया रिद्धी कालक्कमेण सुविसुद्धभावेणं ॥३२॥ पंचत्तमिमो संपप्प नंदणो पउमविसयमज्झम्मि । नंदणनामम्मि पुरे परिहासहिए वयंसि व्व ॥३३॥ तारावीढनरेसरसुतारनामाए परमभज्जाए । कुच्छिसि समुप्पन्नो पुत्तत्ताए तओ तीए ॥३४॥ रंगंतलहरिमालं हंसावलिकलियकमलकोसेमु । मयपाणमत्तभमरउलरुणुझुणारावरमणीयं ॥३५॥ पउमसरं पविसंतं दिट्टं सुमिणम्मि वयणकमलण । तत्तो सहसंबुद्धाए साहियं नरवरिंदम्स ॥३६॥ तेणुत्तं तुह सुंदरि ! पहाणपुत्तो भविस्सइ तओ सा । उव्वहइ सह पमोएण गम्भमह अन्नया जाओ ॥३७॥ दोहलओं जह दीणाण देमि दाणाई तह य कीलेमि । पउमसरेसुम्मीलियकल्हारपरायछुरिएमु ॥३८॥ दोहलयदुव्बलंगीए तीए सो अक्खिओ नरिंदम्स । संपाडिओ नरिंदण पहरिसुप्फुल्लनेतेण ॥३९॥ जायम्मि पसबसमयम्मि पसविया पुत्तमुत्तमं देवी । नियगत्तदित्तिसंताणपहणियासेसतमपसरं ॥४०॥ लद्धो नालयनिक्खणणखणियखोणीयलम्मि पउमनिही । नाम पि तेण पउमुत्तरो त्ति विहियं नरिंदण ॥४१॥ वच्चइ विद्धि अहियं कलाकलावेण कमलनयणो सो । पत्तो तत्तो सव्वंगसुंदरं जोव्वणारंभं ॥४२॥ ताओ वि कन्नयाओ चत्तारि वि कम्मधम्मजोएण । आयामुहीए नयरीए दोन्नि दोणस्स नरवइणो ॥४३॥ धयाओ जायाओ पउमावइ-कुमुइणीभिहाणाओ। तो दोन्नि हथिणाउरनयरे जियसत्तरायम्स |॥४४॥ विव्भमवइ त्ति पढमा बीया धृया पुणो विलासबई । कालक्कमेण ताओ वि जोव्वणारंभमणुपत्ता ॥४५।। जाया जणयाण मणे चिंता होही इमाण को भत्ता । अणुरूवो ? तो पडिछंदएहि आणाविया कुमरा ॥४६। तेसि वियड्सहीणं समप्पिया जंपिया य ता एवं । लक्खेउं कहियव्वो भावो कुमरीण अम्हाण ॥४७॥ तत्तो सहीहिं कुमरीण दंसिया रायकुमरपडिछंदा । भणियं च ताहिं कि एत्थ रूवमेत्तेण नाएण ? ॥४८॥ जाणेयवो जीवो सहीहि भणियं भवंति किं मणुया । निज्जीवा ? तो जंपति ताओ जीवो पवरभावो ॥४९।। भणियं सहीहिं सो किह जाणिज्जइ ? तयणु ताओ जंपंति । लिंगेहिं विसिट्टेहिं सहीहिं भणियं तयं सोउं ॥५०॥ काणि पुण ताणि लिंगाणि ? तो पयंपंति रायन्नाओ। सम्वत्थ उचियवित्ती सहीहिं तो एवमुल्लवियं ॥५१॥ लक्खिज्जइ कहमेसा ? तेण पओगेण हिययगम्मेण | भणियं सहीहिं कीरउ सो वि पओगो तओ ताहिं ॥५२॥ भणियं जइ एवं ता आणह वन्नयसमुग्गयं एत्थ । तह चित्तपट्टियाओ ताओ वयंसीओ उवणिति ॥५३।। अधुम्मीलियपउमुप्पलाणि लिहियाणि दोणतणयाहिं लिहियं विसिट्रकन्नाजुयलं जियसत्तधयाहिं ॥५४॥ तत्तो भणियं सव्वाण रायकुमराण पेसह इमाणि । भणियव्वा ते एयाणुरूवमिह आलिहेयव्यं ॥५५॥ तो दंसियवमम्हं जण सजीवत्तमक्खिमो तुम्ह । तज्जणयाणं ताओ सहीओ कहिउं समप्पंति ॥५६।। तयणु नरिंदेहिं वि रंजिएहिं निम्सेसरायकुमराण । वरचित्तपट्टियाओ पट्टवियाओ तओ तासु ॥५७।। आलिहिय पेसियाओ कुमरेहि नरवरिंदकन्नाहिं । अवलोइपयंपियमेए सब्वे वि निज्जीवा ॥५८||
१.तो-२० । २. सिरिकमले -२० । ३. इत्थ -२० ।