Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 137

५०
अन्नं च
आख्यानकमणिकोशे
कज्जाऽकज्जं न मुणंति नेयऽवेक्वंति दुवखरिछोलिं । जह मम कण इमिणा होहि त्ति अणत्थपत्थारी || १०३ || एसो वि महाराया समम्गनरनाहनमियपयकमलो । सव्वगुणाण निवासो अणन्नसामन्नवल कलिओ ॥ १०४ ॥ रज्जाओ भट्टो जम्स पसाएण मलियमाहप्पो । दोससहस्सनिवासं ता धिद्धीधी ! इमं वसणं ॥१०५॥ नियत्रंणो विजेणं कुणंति सत्तत्तणं निरवसेसं । वज्जियकज्जाकज्जा ता धिङीधी ! इमं दसणं ॥ १०६ ॥ गुरुदुहतरुणां बीयं सयलअणत्थाण मंदिरं विउलं । कुलकित्तिविणासकरं ता धिद्धीधी ! इमं वसणं ॥ १०७॥ गुरुदारं नरयपुरम्स सच्चनलिणीवणस्स हिमपडणं । निस्सेसद्रोसगेहं ता धिद्धीधी ! इमं वसणं ॥ १०८ ॥ इह-परलोयविरुद्धे अणत्यहेउम्मि को रमेज्ज इहं ? । इय नाउं सवित्रेया जूयम्स परम्मुद्दा जाया ॥ १०९ ॥
नरनाहो वितओ निवलच्छीमुज्झिऊण नीहरिओ । तयणु पयट्टा गंतुं दवदंती जाव तेण समं ॥ ११ ॥ ता कुच्चरेण धरिया जूपणं हारिय त्ति कलिऊणं । जंपइ तो मंतिजणो मा मा असमंजसं कुणम् ॥ १११ ॥ सीमा महासईणं ति तुज्झ जणणि त्ति सामिणि तिऽम्हं । पाणप्पिय त्ति रन्नो न हु जुत्तं तेणिमं धरिडं ॥ ११२ ॥
1
जोन्ह व्ब चंद्रविरहे जलहरविरहे तडिल्लयसिरि व्व । चंदणतरुविरहे तल्लय व्व जाल व्व सिहिबिरहे ॥११३॥ छाय च वच्छविरहे द्विणयरचिरहम्मि दिवसलच्छि व्व । बेल व्व जलहिविरहे मुह दुहपंति व जियविरहे ॥ ११४ ॥ रिद्धि व पुन्नविरहे सुरगिरिविरहम्मि तम्स चूल व्व । घणसंगयगयणगणविरहे हरिचावजट्टि व् ||११५ || पाणप्पियस्स मणवल्ल्हस्स विरहम्मि नल्नरिंदम्स | खणमेत्तं पि न चिट्टइ एसा वि महासई एत्थ ॥ ११६ ॥ सम्माणि वत्थाइएहिं अवराहमवि खमावेउं । तत्तो इमं विसज्जसु तयणुवरोहेण एवं ति ॥ ११७॥ काऊ तयं सव्वं करुणाए समप्पिओ रहो एक्को । सो वि निसिद्धो रन्ना पउरजणो भगइ तो एवं ॥ ११८ ॥ सिमो मग्गो नरनाह ! कह णु चरणेहिं तरसि तं गंतु ? | देवी सिरीसमुकुमालतणुल्या कह् णु वचिहिही ? ॥ ११९ ॥ तम्हा गिण्हमु सामिय ! महापसायं करितु रहमेगं । उवरोहेणं नायरजणम्स तो रहवरारूढो ॥१२०॥ चंद्र इव जोहाए फुरियपहाए सहस्सकिरिणो व्व । सुरनाहो व्व सईए लच्छीए वासुदेवो व्व ॥ १२१ गउरीए वामदेवो व कामदेवो व्व कामवरिपीए । अमरकरि व्व वसाए हंसीए रायहंसो व्व ॥ १२२ ॥ गच्छंतो देवीए समं सकामाहिं नयणबाणेहिं । भिज्जतो सव्वंगं नायरजणतरुणरमणीहिं ॥ १२३ ॥ संपत्तो य क्रमेणं ऩयरीमज्झे अभिन्नमुहराओ । तम्मि परसे दिट्टो अप्पमाणो महाथंभो ॥ १२४ ॥ उत्तरऊण रहाओ लीलाए चालिओ जणसमक्खं । जो पुरिससहस्सेण वि न तीरए चालिउं कह वि ॥ १२५ ॥ उप्पाडियम्मि तम्मि तो पउरजणस्स पच्चओ जाओ । एसो होही भरहद्धसामिओ नमियसेसनिव ॥ १२६॥ एयम्स बालभावे उज्जाणगयस्स सह नरिंदेण । पुच्छावसरे चउनाणसूरिणा कहियमेयं ति ॥ १२७॥ जो नयरीमज्झगयं थंभं उप्पाडिउं पुणो ठविही । सो भरहद्धनरिन्दो होहि त्ति न एत्थ संदेहो ॥ १२८ ॥ asari एसोचि होही तिक्खंडसामिओ जम्हा | मिलिओऽम्ह पच्चओ सो वयणं च न अन्नहा मुणिणो ॥ १२९ ॥ इय चयणं निगुणंतो पत्तो य पुरीए परिसरपएसे । वेयभविसयसमुह संचलिओ साहससहाओ ॥१३०॥ वणवासं वच्चते नलम्मि नयरी पउत्थवइय व्व । पचसियजण व्व निज्जायसयलसोह व्व संजाया || १३१ ॥ परिहरियस मम्गारामविविहकीलाविलासवावारा । उवरयविवित्तचच्चर - चउक्क- चउमुहजहिच्छकहा ॥ १३२ ॥ विरमंतमंजुसिंजियमद्दल रवमुहलपेच्छणच्छणया । विणिवत्तिय वेया लिय सुललियकव्वाभिलासा य ।। १३३ ।।।। उक्कीलिय व्व घडिय व्य चित्तलिहिय व्व कट्टमय व्व । अवहरियरयणसार व्व तह य सुन्न व्व वुन्न व्व ॥ १३४॥ झाडिय व्व मोट्टिय व्व चिट्टइ मणम्मि झायंती | मोक्खं व नलं गुरुदुक्खवारणं मुणिजणो व्व सया ॥ १३५ ॥
१. उप्पाडियं रं |
For Private Personal Use Only