Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 132

२. दानस्वरूपवर्णनाधिकारे नागश्रीब्राह्मण्याख्यानकम्
४५
सागरएण सपणयं परिणीया सा महाविभूईए । संपत्तो वासगिहं तो तीए अंगफासेण ||४६।। तिक्खतरवारिधारासंगेण व छिज्जमाणसव्वंगो। पत्तो य नियं गेहं दुहपथारिं व तं मोत्तु ॥४७॥ गंतूणमुवालद्धो सागरदत्तेण तयणु जिणदत्तो । किं तुह कुलगुरूवं निदोसं चइय मझ सुयं ।।४८।। जं एस समायाओ तुह तणओ सिग्घमेव नियगेहं । जिणदत्तेण वि तणओ पयंपिओ एवमुल्लवइ ।।४९|| वरमहमुन्झामि गिहं तणं व धण-सयण-मित्तकलियं पि । न उणो करवत्तसमं तीए तणुफासमिच्छामि ॥५०॥ वच्चामि वा विसं छहा-पिवासाभिभूयसवंगो । न उणो करवत्तसमं तीए तणुफासमिच्छामि ||५|| पजलियजलणजालाकलावसह चियं पि पविसामि । न उणो करवत्तसमं तीए तगुफासमिच्छामि ।।५२।। तिव्वतरवारिधारासंचरणसमं वयं पि गिण्हामि । न उणो करवत्तसमं तीए तणुफासमिच्छामि ।।५३।। इय जामायभणियं कुडुंतरिओ समगमवि सोउं । सागरदत्तो पत्तो सविलक्खमणो सभवणम्मि ॥५४॥ कहमवि न महइ वच्छे ! नुज्झ पई तुझ संगम गुणवं । ता वीसत्था होउं उव जसु मज्झ धगरिद्धि ।।५५|| मिच्छत्तमाहिया सा सोहग्गकएऽणुवासरं कुणइ । मयरद्धयस्स पूर्य अच्चइ तह ग उरिपडिम पि ॥५६।। धूयण-विलवण-तिलय-मूलिया-मन्त-जन्त-तन्ताणि । जाणगजणोवइट्टाणि कुणइ सब्वाणि न तहा वि ॥५॥ संजायं सोहमगं दोहग्गं वड्डए सकोवं व । नेहपरव्वसहियया आदन्ना जणणि-जणया से ॥२८॥ चितंति य कस्सह भिक्खवित्तिणो वियरिमो अहऽन्नदिणे । कच्छोट्टयपरिहाणो लिल्लिरयावेढियसिरम्गो ॥५९॥ धूलीधूसरगत्तो अंगुलपिहुपयवियाउयाविवरो । सिप्पउडसरिसनहरो कुरुवयाकलियसव्वंगो ॥६०॥ जुनकुमरज्जुलंबिरमक्कडियाधरण [ वग्ग वामकरो । साणाइवारणत्थं दाहिणकर कलियढंख रओ ॥११॥ भिक्खयरा भिक्खकए समागओ तयणु सेटिणा भणिओ। को भद्द ! तुमं ? कत्थ व निवससि ? तो भणइ सो एवं ॥२॥ परिहीणबंधुवग्गो वणियमुआ भिक्खमेत्तधणकलिओ । अनिययवासी साहु व खोणिवीढम्मि वियरामि ॥३॥ सोऊण तम्स वयणं सेट्ठी चिंतइ जहा हवउ एसो । मह दुहियाए दोहम्गदुक्समियमणाए. वरो ॥६४॥ भणइ य भद्दय ! परिहरसु सयलभिक्खोवगरणममुहमिमं । तुह वियरेमि नियमुयं तं सोउं चिंतए दमओ ॥६५|| कम्मेहिं मज्झ विवरं दिन्नं दिव्यो वि अभिनुहो जाओ। फलियं च सुहमणोरहमालावल्लीवियाणेण ॥६६॥ जं मह भिक्खयरस्स वि रूवविहणम्स बंधुरहियस्स । अमुणियकुलकमस्स वि एसो वियरइ नियं धूयं ॥६७|| इय चिंतिऊण संजायगस्यहरिसेण तण पडिवन्नं । तो सेट्टिणा पहिडेण पहाविओ तक्खणे दमओ ॥६८॥ परिहाविओ य सुंदरवस्थाई तओ मणुन्नमाहारं । भुंजाविण विहियं परिनहपरिकम्मणं तम्स ॥६९॥ अणुवासरं पि ण्हाणुव्वट्टणपारेकम्मणेण संजाओ। सो जच्चकंचणनिभो दमओ वि ह देव्यकुमरो व्व ॥७॥ सेट्टी सुपसत्थदिणम्मि तम्स सुकुमालियं समप्पेइ । तो तीए संगमुस्युयचित्तो पत्तो स वासगिहं ॥७॥ अन्नोन्ननेहनिम्भरमणेहिमवरोप्परं तओ तत्थ । निवडियकयभुयजुयलेहि तेहिं परिरंभणं विहियं ॥७२॥ तो तीए सरीरलयाफासेण वि सव्वओ समुच्छलिओ । तम्स सरीरे मुम्मुरहुयाससरिसो महादाहो ॥७३॥ . चिंतइ विसन्नचित्तो जइ एसा सोक्खकारिणी होना । ता किं धण-सयणजुयाण वणियपुत्ताण न हु दिन्ना ? ॥४॥ जीए सरीरफासे वि दारुणो जायए महादाहो । संगेण तीए नियमेण होइ मरणं न संदेहो ॥७॥ वररूवसालिणी वि य महरिहवंसुभवा वि फासेण । असुहेण न परिणीया केणावि सुहत्थिपुरिसेण ॥७६॥ नूणं भिक्खयराणं थीरयणं को वि देइ न कया वि । ता एयारिसफासेण संजुया वियरिया मज्झ॥७७|| जइ एयारिस'फासो सव्वस्स वि होज नारिनियरस्स । ता नाम पि न पुरिसो गिण्हेज्ज इमाण किमु संग १ ॥७८|| ता सव्वहा वि वरि मज्झ होउ आबालकालिया भिक्खा । मा संपज्जउ फासो इमाए धणरिद्धिजुत्तो वि ॥७९॥ इय चिंतिऊण काउं कडीए कच्छोट्टयं तओ झत्ति । नीहरिओ रुयमाणिं तणं व चइऊण तं दमओ ॥८॥
१. मडकिया रं।