Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 121

३५
आख्यानकमणिकोशे
जम्हा न होइ तित्ती नराण विसएम निविवेयाण । ता विसए परिचइ पवाजमहं करिम्सामि ।। ११९ ।। जा तुम्हाण ससल्ला का वि हु अहवा अवच्चसंजुत्ता । ता गिहिधम्म कुव्वंतु सेसया दिक्खमिच्छाए । १२० ॥
दइयाओ एवमणुसासिऊण भज्जाओ तह य भोगंगे। परिहरमाणो चिट्टइ तव-चरणसमुस्सुओ मइमं ।। १२१ ।। इयो य
तत्थेव य परिणीया भइणी धन्नेण सालिभदास । अभंगती कंतं साममुही मुयइ अंसूणि ॥ १२२ ।। संपुच्छिया य धन्नेण सुयणु ! किं सोयकारणं तुज्झ ? | सा भणइ सालिभद्दो पयजं घेत्तकामो त्ति ॥ १२३ ॥ परिकम्मणं कुण्तो दिण दिणे पणइणिं च तलिं च । एक्केक्कं परिमेलइ बोल्लइ तयणंतरं धन्नो ।। १२४ ।। जो गिण्हइ जिणदिक्खं का परिकम्मणं स काउरिसो। सप्पुरिसो पुण सुंदरि ! तणं व रिद्धिं परिच्चयइ ॥ १२५ ॥ जय धण-रिद्धी सुचया ता किं न तुम पि चयसि ? सा भणइ । इय निमुणिऊण एसो अहिमाणी भणिउमाढत्तो ॥१२६॥ पेच्छंतो तुह वयणं ठिओ म्हि इण्हि तु पेच्छ ज होइ । अह सा जंपइ पिययम ! एवं मह खमह परिहासं ॥ १२७ ।। कि भणिएणं बहुणा ? स आह भइणि व्व तं इयाणि मे । अह जइ तुज्झ वि इच्छा तुमं पिता गिण्ह पवज्ज ॥ १२८ ।। तम्मि समयम्मि तियणसामी सिरिवद्धमाणजिणइंदो। संपत्तो सुररइए उवविट्टो समवसरणम्मि ।। १२९ ॥ सेणियपमुहो लोगो गओ जिणिंदस्स बंदणनिमित्तं । विणिजुंजइ धन्नो वि हु धणरिद्धि धम्मकज्जेसु ॥ १३०॥ फ वरजासामगीनिरयं नाऊण धन्नयं दइया । गंतूणं वुत्तंतं सबंधुणो कहइ रुयमाणी ।। १३१ ।। अंतरिओ हं धन्नेण चिंतिउं संठवित्तु नियभइणिं । जणणिं भज्जाओ वि य संभासिय सालिभद्दो वि ॥ १३२ ॥ घोसाविऊण अभयं दाणं दीणाइयाण दाऊण । काउंजिणिंदमहिमं सम्माणिय समणसंघ च ।। १३३ ॥ निरसयण-जणणि-पणइणिपरिकलिओ आरुहित्त सिबियाए । सलहिज्जंतो नायरजणेण तित्थं पभावितो ।। १३४ ॥ सुरलोयसरिसरिद्धि सणंकुमारो व्व उज्झिउं ज्झत्ति । महया महूसवेणं समागओ समवसरणम्मि ॥ १३५ ।। पुर ओ पहत्तधन्नेण संगओ तयणु तत्थ भयवंतं। काउं पयाहिणतियं सधन्नओ थुणियमाढत्तो ॥ १३६ ॥
जय जय परमेसर ! चरमजिणेसर ! पुन्निमससिनिम्मलवयण !।
जय धम्म पयासण !, कुगइपणासण !, वियसियसियपंकयनयण ! ।। १३७॥ जय वीरजिणेसर ! दिव्वनाण ! संपत्तपरमसिवसुहनिहाण! । जय चक्क-कमललंछियमुपाय! सिद्धत्थनरेसरअंगजाय! ॥१३८॥ जय कोहहु यासणअम्बुवाह! दुट्टट्ठकम्मवणगहणदाह! । जय माणसेलनिद्दलणवज्ज! परिचत्तसयलसंसारकज ! ॥१३९|| जय मायाभूमिविणाससीर! जर-जम्मपंकनिट्ठवणनीर! । जय लोहपिसायपयंडमंत! वरनिम्मल-सम-सियकुंददंत! ॥१४०॥ जय रायमहाकरिहरिकिसोर! सन्नयजणआवयहरणचोर !। जय दोसरेणुवियरणसमीर ! संसारमहोयहिलद्धतीर ! ॥१४॥ जय मोहतिमिरनिद्दलणभाणु ! तुह नमइ जिणेसर ! सुरपहाणु। जयमयणमुहडनिम्महणवीर! ससुरासुरनमिय! जिणिंद! वीर! ॥ जय मच्छररहिय! विमुक्कसंग! नियसत्तिविहियसंसारभंग!। जय संगमकयदट्टोवसम्गनिकंप ! पयासियमोक्वमग्ग! ॥१४३॥ जय अमरविणिम्मियसमवसरण !सरणागयवच्छलदरियहरण !। जय वीरजिणेसर! करि पसाउ महु देहि सामि ! सिवपुरिहिं ठाउ॥ इय जयपूरियास ! चंदाणण : विविहतवग्गिदभवकाणण!। सिरिसिद्धत्थरायवरनंदण ! पसिय मज्झ जणनयणाणंदण ! ॥ पुणरवि पणमिय सामि भणंति भयवं ! भवोहनिम्महणिं । दिक्खं देहि जिणेसर : जायइ दुक्खक्खओ जीए ॥१४६॥ भणियं भद्दाए विहुजामाउय-पुत्तया इमे मज्झ । पहु ! धन्न-सालिभद्दा दिक्खादाणणऽणुग्गहह ॥ १४७ ।।
तत्तो तिहुयगनाहेण दिक्खिया पंचमुट्टिकयलोया । सिक्खविया य समग्गं आयारं साहुवम्गस्स ॥१४८ ॥ गीयस्था संजाया अइरेण य नायसयलमुत्त-ऽत्था । विहरंति जिणेण समं कुब्वंता तिव्वतव-चरणं ।। १४९ ।। पुणरवि रायगिहम्मि समागया भुवणसामिणा सद्धि । तिव्वतव-चरणसुक्का किडिकिडिभूया महासत्ता ॥ १५०॥ नरनाइपमुहपरिसाए सामिणा देसियं भवसरुवं । जायाए भिक्खवेलाए पत्थिया दो वि भिक्खट्टा ॥ १५१ ।। छट्टम्स पारणम्मि पणामपुवं जिणम्स आणाए । ते धन्न-सालिभद्दा पयंपिया निणवरिंदेण ॥ १५२ ॥ .