Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 118

१.
२. दानस्वरूपवर्णनाधिकारे शालिभद्राख्यानकम्
इय एवं विलवंती भद्दा नियसयण मित्तलोएण | कहकहमवि संटविया जाया कालेग अवसोया ॥ २५ ॥ जाओ य सालिभद्दो कमेण जोग्गो कलाकलावम्स । उवझायस्वणीओ धणियं जाओ कलाकुसलो ॥ २६ ॥ पत्तोय हरिणनयणीमणहरणं जोव्वणं क्रमेण इमो । सोहा रूय-लायन्नसंजुओ सव्वजणइट्टो || २७ ॥ सरदक्खिन नही करुणारससायरो महुरवाणी । परउवयारेक्करओ किं बहुगा ? सयलगुणकलिओ ॥ २८ ॥ घणकसिणकुडिलको मलकेसकलावाओ हरिणनयणीओ । नवप उमरायरत्ताहराओ छणचंदवयणाओं ॥ २९ ॥ मणहरसिद्धि पीवरपओहराओ तरंगतिवलीओ | गंभीरनाहिकुवाओ गिरिसिलापिनियंत्राओ ॥ ३० ॥ कंकेल्लिकिसलयारुणपाणीओ करेणुकरसमोरूओ । नवकमलकोमलारुणचरणाओ करेणुगमणाओ || ३१ ॥ आरूढपढम जोव्वणकंतिकडक्खियसुरिंद्र्घरिणीओ । उत्तमकुलुभवाओ बत्ती इभकन्नाओं ॥ २२ ॥ एगदिवसम्म तेणं परिणीयाओ महाविभूईए । नच्चिरवारविलासिणिजय जयस्वमणहरसरेण ॥ ३३ ॥ गोभद्दो विहु जाओ तड़या मरिडं सुरो भवगवासी । अवहिं परंजमाणो सकलत्तं नियइ नियपुत्तं ॥ ३४ ॥ मुणिदाण समयसज्जियपुन्नेणाऽऽगरिसिओ समागंतुं । विरह सत्तभूमियपासायं सालिभस्स || ३५ ॥ सुरवरविमाणरुहरं विचित्तमणिमत्तवारणाइन्नं । अवरं च तम्स परिसरधराए सव्वत्वणसं || ३६ || सिसिर जलजंतवाहय पुत्तलिया विलसिरं पवरवाचिं । जलअंदोलयकीला निमित्त मेयम्स चिरइ || ३७ || नवणीयमसिणबत्तीस तूलिय (कलियपवरपल्लंकं । सयणनिमित्तं उणे सुखरो सालिमदम्स || ३८ ॥ केऊर-हार-कंकण-रसणा-मंजीरपभिइ आभरणं । वत्थंगराग तंबोल- पुप्फपमुहं च भोगंगं ।। ३९ ।। पइवासरं पि अमरो देइ सभज्जम्स सालिभद्दम्स । सो वि हुतभोगसुही गवं पि कालं न याणे ॥ ४० ॥ सव्वं गिवावारं चिंतइ भद्दा अहन्नया वणिया । घेतु कंबलरयणाणि आगया लक्खमोल्लाणि ॥ ४१ ॥ जाव ने इ को विगिण्हइ ताणि महग्घत्तणेण नयरजणो । ता अत्थाणे गंतुं सेणियरायस्स दरिसंति ॥ ४२ ॥ मोल्लं पुच्छइ राया ते वि पयंपंति लक्खमोल्लाणि । आह निवो न हु कज्जं एएहिं महग्घमोल्लेहिं ॥ ४३ ॥ संजायचहुविसायानीहरिया ते नरिंद्रभवणाओ । रिद्धिं सुणित्तु पत्ता पासाए सालिभद्दस्स ॥ ४४ ॥
I
भद्दाए तओ अवलोइ ऊण गहियाणि कहियमोल्लेण । वणिणो वि हिट्टहियया सव्वे वि गया नियाबासे || १५ || कम्बलरयणसरूवं मुणिउं चिन्नवइ चेणानिवई । पिययम ! किं मज्झ कए न तए एक्कं पि संगहियं ? ।। ४६ ।। एरिसरिद्धिजयम्स वि चिट्टा किं एरिसी तुह नरिंद ! | अहवा न तुज्झ भावइ मह दिन्नं उत्तमं वत्युं ॥ ४७ ॥ अवरं च तुज्झ कित्तिं सुणिऊण इहं समागया वणिणो । एवं नु ताण पुरओ देसेमु वि लहुइओ अप्पा ॥ ४८ ॥ जइ तुह न अत्थि दविणं ता गिण्हसु मज्झ रयणमालाए । कंबलरयणं ताण वि पुज्जउ आसा वरायाण ।। ४९ ।। जाहेवमुवालद्धो राया दइयाए तयणु वाणियए । मग्गइ तो ते वि कहंति देव ! भद्दाए गहियाणि ॥ ५० ॥ तं नियुणिऊण देवी सुट्टयरं कोचमुचगया भणड् । वाणिगिणीए समं पि य न अस्थि सत्तं तुह नरिंद ! ? ॥ ५१ ॥ तो भूवणा भद्दा भणाविया देहि मज्झ मोल्लेण । संपइ संगहियाणं कंबलरयणाणमेगं ति ॥ ५२ ॥ ती पडिणियमेयं नरिंद ! नियपुत्तसालिभद्दम्स । बत्तीसभारियाणं विहिया पयलूणा तेहिं ।। ५३ ।। गिहउ चिरंतणाई देवोऽणुम्गहउ मं विणा मोल्लं । नियुणित्तु निवो पुच्छइ अभयं को सालिभद्दवणी ? || ५४ ॥ तेणावि अमरनिम्मियपासायप्पभिइ सव्वमक्खायं । तो विम्हिओ नरिंदो तच्चरिएणं विचिंतेइ ॥ ५५ ॥ अहमेव इह कयत्थो जस्स पुरे संति एरिसा वणिणो । इय चिंतिऊण संजायको उहल्लेण नरवइणा ।। ५६ ।। भद्दाए समाइसियं संपेस सालिभद्द नियपुत्तं । रायभवणम्मि जेणं हरिसेण अहं पलोएमि ॥ ५७ ॥ भिणियं भद्दा मज्झ सुओ सिरिसकुसुमसुकुमालो । ससि-सूरे वि न पेच्छइ निगच्छर न हु गिहाओ बहिं ॥ ५८ ॥ ताकि तुम्ह सासे मज्झ सुओ सामि ! कुणउ आगमणं ? । इय नाउं नरनाहो मा अपसायं कुणउ अम्ह ॥ ५९ ॥
न उ कोइ गिव्हइ रं० ।
३१
For Private Personal Use Only