________________
विज्ञापन सिरिसम्बुद्धपरिनिब्बानतो चतुनवुत्यधिकसत्तसतवस्से सिरिलंकायं रज्जसिरिमुपगतस्स बोधिसत्तचरितापदानस्स धम्मिकस्स सिरिसंघबोधिमहाराजस्स चरितवण्णनामुखेन रचितोऽयं हत्थवनगल्लविहारवंसो नाम गज्जपज्जविमिस्सितो चम्पूगन्थो।
परमविसुद्धबुद्धिनो अनोमदस्सिमहासामिनो अज्झेसनं पटिग्गहेत्वा कतोयमिति गन्थे येव दिस्सते। तेन वुत्तं
ब्रह्मन्वयेन, नुगतत्थमनोमदस्सिख्यातेन सब्बयतिराजधुन्धरेन । व्यापारितो' हमितिहानुगतं कथं च
निस्साय पुब्बलिखितं चिध वायमामीति । तस्मायं गन्थो दुतियपरक्कमबाहुमहीपालस्स समये रचितो होति ।
सिरिसम्बुद्धपरिनिब्बानतो १७०३तमे (वोहारवस्सतो १२३६तमे) वस्से लंकारज्जे सित्तस्स महापरक्कमबाहुभूपालस्स समये सकलसत्थागमपारदस्सिनो परमविसुद्धबुद्धिविरियपतिमण्डिता, तिपिटकविसारदा, सक्कतादिभासासु कुसला, महापण्डितत्थेरवरा अहेसुं । तेसु उदुम्बरगिरिविहाराधिपति महाकस्सपसंघराजमहात्थेरो, टीकाचरियो सिरिसारिपुत्तसंघराजमहाथेरो, महावेय्याकरणो मोग्गल्लानत्थेरो च पामोक्खा अहेसुं । तेत्तिसवस्सं रज्जमनुसासितवति महापरक्कमबाहुमहाराजे दिवंगते अद्धसतसंवच्छरप्पमाणकालं सिरिलंकादीपो उपदुतो अहोसि । इमस्मि समये सत्तवीसतिवस्सब्भन्तरे येव तेरस राजानो रज्जसिरिमनुभविंसु । तेनेव खायति यं तस्मि समये लंकादीपस्स सभावो कीदिसो ति । विविधोपद्दवाकुले तादिसे समये सत्थागमाभिवुद्धि कथं पाटिकखितब्बा।
सिरिसम्बुद्धपरिनिब्बानतो १७६६तमे (वोहारवस्सतो १२१४तमे) वस्से कालिंगरटुतो माघो नाम अधम्मिको राजा चतुवीसतिसहस्समत्तेन योधबलेन सद्धिं लंकादीपमागन्त्वा सब्बथा उपद्दवमकासि । तेन वुत्तं महावंसे
माघराजमहागिम्हे योधदावानले बहू ।
नियोजेसि निपीळेतुं लंकारज्जमहावनं ॥ति।। पापिट्ठोऽयं बहू विहारपरिवेणादयो विनासेत्वा भिक्खू नानादेसेसु पलापेत्वा अत्तनो योधबलं तेसु तेसु विहारारामादिसु निवासापेसि । चेतियानि भिन्दित्वा तेसु
संकाय पत्रिका-१
Jain Education International
For Private & Personal Use Only
www.jainelibrary.org
