Page Text
________________
ચાતુર્માસ દરમ્યાન મૃગાવતીજી રોજ બપોરનાં૩ વાગ્યાથી ૪ વાગ્યા સુધી વ્યાખ્યાન આપતાં હતાં. કાંગડાના પહાડી લોકા વ્યાખ્યાન સાંભળવા આવતા હતા અને ખુબ તન્મયતાથી સાંભળતા હતા. ક્યારેક-ક્યારેક તો બહેનો ભક્તિરસમાં ભાવવિભોર બની ગીતો ગાઇ ઊઠતી. મગાવતીજીએ સરળ અને મધુર ભાષામાં એમને જૈન ધર્મની જાણકારી આપી. મહારાજજીના ઉપદેશનો એટલો ઊંડો પ્રભાવ પડ્યો કે, એ લોકો ઘરમાંથી ક્યારેક નીકળતા સાપ, વીંછી, કાનખજૂરા વગરે જીવોને મારવાનું છોડી અભયદાન આપ્યું. એટલું જ નહિ એમણે દારૂ, ઇંડા, માંસ અને વ્યસનોનો ત્યાગ કર્યો. પર્યુષણ પર્વનો કાર્યક્રમ વિધિપૂવર્ક યોજાયો. દિલ્હી, હોશિયારપુર, લુધિયાણા, મેરઠ, ઉજજૈન વગેરે શહેરોમાંથી આવેલા ભક્તોએ સવાર અને બપોર કલ્પસૂત્રનું શ્રવણ કર્યું. રાતના શાંત અને રમ્ય વાતાવરણમાં પહાડી સ્ત્રીઓ આદિનાથ અને ગુરુમહારાજના ભજનો ગાતાં ગાતાં ભાવવિભોર બની જતી ત્યારે આસપાસના પહાડો ગુંજનથી ભરાઈ જતાં. પર્યુષણ પર્વમાં પૂજા, પ્રભાવના,સંઘપૂજન, કીર્તન, પ્રતિક્રમણ, ચોસઠ પહોરી પૌષધ અને વિવિધ તપશ્ચર્યામાં સૌએ ભાગ લીધો: ક્ષમાપનાના કાર્યક્રમમાં સૌએ જીવમાત્રની ક્ષમા માગી, મૈત્રીભાવના દ્દઢ કરી. આ ચાતુર્માસ દરમ્યાન દેશના વિવિધ ભાગોમાંથી બધા મળી લગભગ ૧૦ હજાર જેટલા યાત્રાળુઓ અહીં પધાર્યા હતા. કાંગડામાં ભગવાન આદિનાથના દર્શનાર્થે પ્રથમ વખત આટલી મોટી સંખ્યામાં યાત્રાળુઓ આવ્યા હતા. અત્યાર સુધી ચાતુર્માસ સુધી જ ભગવાનના દર્શન - પૂજા કરવાની છૂટ મળી હતી. મૃગાવતીજી એને કાયમી બનાવવા ઇચ્છતા હતાં. આ કાર્યની સિધ્ધિ માટે તેમણે નિરંતર સાધના, પ્રાર્થના અને જાપ કર્યા. ૨૦ ઓકટોબરના રોજ પુરાતત્ત્વ વિભાગના ઉચ્ચ અધિકારી સમક્ષ વસ્તુસ્થિતિ મૂકી. મહારાજનાં વચનોથી પ્રભાવિત થઈ અધિકારીએ તરત કાર્યાલયમાંથી મંદિર ખોલવાનો લેખિત આદેશ મોકલી આપ્યો. એટલું જ નહિ, કિલ્લાની ચાવીઓ પણ તીર્થ કમિટિને સોંપી દીધી. સાચા સાધકની સાધનાનો પ્રતાપ હતો. કાંગડામાં પ્રભુનો દરબાર હંમેશ માટે મુકત થઈ ગયો. સર્વત્ર આનંદ ફરી વળ્યો. જય જયકારથી આકાશ ભરાઈ ગયું. ૨૩ ઓકટોબરના રોજ ભૂમિ સુધારના અધિકારીઓ નિરીક્ષણ અર્થે આ તરફ આવ્યા. ધર્મશાળામાં આવજાવ જોઈ એમને કુહલ થયું અને મંદિર જોવા આવી પહોંચ્યા. મૃગાવતીજીને પણ મળ્યા. એમણે મહરાજશ્રીને કહ્યું, “હિમાચલ પ્રદેશમાં ખેતીવાડીનો બધો આધાર વરસાદ છે. આખું વર્ષ વરસાદ ન પડવાથી લોકોને ભારે મુશ્કેલી છે. માટે અમે પાણીની યોગ્ય વ્યવસ્થા કરવા અહીં આવ્યા છીએ. આ કાર્ય માટે મૃગાવતીજીના આશીર્વાદ માગ્યા. મહારાજજીએ મંગલકામના કરી અને આશીર્વાદ આપ્યા. અધિકારીએ કહ્યું. “આપે અમારા હિમાચલ પ્રદેશને પાવન કર્યો છે. અમે ધન્ય થયાં છીએ.”
વખતોવખત આ જંગલમાં અનેક મંગલકારી મહોત્સવો ઉજવાયા. વિજયવલ્લભસૂરિજી મહારાજનીસ્વાગરોહાણ તિથિ નિમિતે આગરા અને હોશિયારપુરથી ભક્તો પધાર્યા. ગુરમહારાજને શ્રદ્ધાંજલિ અર્પવાના કાર્યક્રમ થયા અને પહાડી હાઇસ્કૂલમાં મિષ્ઠાને ભોજન આપવામાં આવ્યું. કારતક સુદ બીજના દિવસે ગુરુ મહારાજનો જન્મદિવસ ધામધૂમથી ઉજવવામાં આવ્યો. હોશિયારપુરના લાલા શાંતિલાલજી નાહરે ધર્મશાળા પાછળ વલ્લભ વાટિકા બનાવવાનો વિચાર રજૂ કર્યો. એક સરકારી અધિકારીએ બીજી તરફ બાળકો માટે પાર્ક બનાવવાની યોજના રજૂ કરી. એ કાર્યમાં સહયોગ આપવા સૌએ ઉત્સાહ બતાવ્યો.
મહત્તરા શ્રી મૃગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |