________________
ત્યાર બાદ આ આત્માએ, ચન્દ્રભાગા અને રાવી નદીના વચ્ચેનો પ્રદેશ સિયાલ (સિયાલકોટ)માં જન્મ લીધો હતો અને અલ્પાયુમાં અવસાન થયું હતું. એ આત્મા અત્યારે મૃગાવતીના નામે છે. વધુમાં લખવામાં આવ્યું હતું કે, આ આત્મા અનંત કાર્યો કરનાર છે, અનેક ઉપકાર કરનાર છે. જેને આશીર્વાદ આપે છે, તેનું દુઃખ દૂર કરી, પીડા પોતાના ઉપર લઈ લે છે.”
મગાવતીશ્રીજીએ ભગુસંહિતાની આ બધી વાતો સાંભળી, પણ કશું બોલ્યાં નહિ. બહુ આગ્રહ કર્યો ત્યારે છેવટે અનિચ્છાએ કહ્યું કે, “આ બધી વાતો સત્ય છે. કોઇક ભવમાં અષ્ટાપદ પર્વતની પરિક્રમા પણ કરી હતી અને ભગવાન પાર્શ્વનાથની આરાધના કરી હતી.'
દરેક વ્યક્તિ પોતાનું હૃદય ઢંઢોળી જોઈ શકે છે કે, મૃગાવતીશ્રીજીએ એના ઉપર કેવા કેવા ઉપકાર કર્યા છે.
મગાવતીશ્રીજી મહારાજની કામ કરવાની રીત જ કોઇ અદભૂત હતી. પૈસા કદી એમણે માગ્યા નહોતા. એમણે તો પ્રત્યેક વ્યક્તિના હૃદયને જીત્યું હતું. આજની યુવા પેઢી, જે પશ્ચિમના શિક્ષણ અને સંસ્કારોથી પ્રભાવિત છે, એનું દિલ પણ મહાત્તરાજી જીતી શકયાં હતાં.
પૂજય મહારાજના પાર્થિવ દેહને અગ્નિસંસ્કાર કર્યા પછી એમનાં અસ્થિમાંથી એક અસ્થિમાં એમની મુખાકૃતિ જોવા મળી એ પણ એક અદ્ભુત ઘટના છે. આ અસ્થિ પૂ. સુવ્રતાશ્રીજી પાસે છે અને ઘણાંએ એનાં દર્શન કર્યા છે.
મહત્તરાજ વિશે જે કંઈ પણ હું કહીશ તે અલ્પોક્તિ બની રહેશે.
મહત્તરા શ્રી મગાવતીશ્રીજી
