Page Text
________________
પ્રજ્ઞાજયોતિ પૂજયા મહત્તરાશ્રીજી
|| પૂ. સાધ્વી શ્રી જશવંતશ્રીજી
જગમેં જીવન શ્રેષ્ઠ વહી, જો ફૂલોં સા મુસ્કાતા હૈ,
અપને ગુણસરભસે જગકે કણ-કણકો મહકાતા હૈ.' મા વસુન્ધરાની ગોદમાં અનેક ફૂલ ખીલે છે અને કરમાઈ જાય છે. પરંતુ અમુક ફૂલ એવા પણ હોય છે ? જે કરમાઈને પણ પૃથ્વીને સુગંધથી ભરી જાય છે.
આ વિશ્વ પરિવર્તનશીલ છે. બૌદ્ધ માન્યતા અનુસાર પળ-પળ પરિવર્તન થતું રહે છે. જૈન માન્યતા અનુસાર સંસારના મૂળ તત્ત્વો-પુદ્ગલોનો સ્વભાવ જ છે કે, નવા નવા પર્યાયો ધારણ કરવા. જીવનનું સૌથી મોટું પરિવર્તન મૃત્યુ છે. મૃત્યુ આમ તો પ્રકૃતિનો કઠોર નિયમ છે. એ કઠોર હોવા છતાં બોધદાયક છે. જયાં નવજાત શિશુનો જન્મ આપણને આનંદ આપે છે તેવી રીતે જ કોઈની વિદાય આપણને સાવધાન બનાવી દે છે.
સંસારના સૌ લોક જાણે છે કે, જેણે જન્મ ધારણ કર્યો છે તેને મૃત્યુ પણ નક્કી છે જ. જેની સાથે મિલન થયું છે, તેનાથી વિયોગ નક્કી છે જ. અમુક વ્યક્તિઓ એવી હોય છે જે જવા છતાં અમર બની જાય છે. તેઓ પોતાના મૃત્યુને પણ મહોત્સવ બનાવી જાય છે. એમની વિદાય પણ દુનિયા માટે પ્રેરણાસ્ત્રોત બની જાય છે. '
- કાંગડા તીર્થોદ્વારિકા, જૈન ભારતી પૂજય મહત્તરાશ્રીજી મહારાજ પણ એક એવાં પ્રજ્ઞાજયોતિ હતાં. ગુર વલ્લભના મિશનને પૂર્ણ કરવા માટે જીવનની અંતિમ ક્ષણ સુધી તેઓ પ્રવૃત રહયાં હતાં.
એમના જીવનની સૌમ્યતા અને વાણીની મધુરતા સૌને એમની તરફ આકર્ષી લેતી હતી. જે કોઈ એક વાર પરિચયમાં આવે તે સદાયને માટે એમના થઇ જતાં.
| દિલ્હીમાં વલ્લભ સ્મારક કરવાનું આહ્વાન એમણે ઝીલ્યું હતું. કાંગડા તીર્થનો ઉદ્ધાર કરવાનો શ્રેય એમને જ જાય છે. એમની વાણીમાં સરસ્વતી અને લક્ષ્મી બન્નેનો વાસ હતો. જે શબ્દ એમના મુખમાંથી નીકળતો તે પૂર્ણ બનીને રહેતો. એમના વચનો પર લક્ષ્મી તો મેઘધારાની જેમ વરસતી હતી.
એમની કાર્યકુશળતા, વ્યવહારદક્ષતા અને સહનશીલતા અનુપમ હતાં. ગુરુભક્તિ એમના રોમેરોમમાં ભેરવી હતી. અંતિમ સમયે તન વ્યાધિગ્રસ્ત હતું, પરંતુ મન તો સમાધિમાં જ લીન હતું. જીવનના અંતિમ શ્વાસ સુધી તેઓ ચેતનાયુક્ત રહયાં હતાં. એક-એક વ્યક્તિને બોલાવીને તેઓ ક્ષમાપના કરી આત્મશુદ્ધિ કરતાં રહયાં અને જેને જે કામ સોંપવાનાં હતાં તે સોંપતાં ગયાં.
એમના કાળધર્મના જેવા સમાચ: સાંભળ્યા કે વજ્રપાતનો અનુભવ થયો. પહેલાં તો એ વાત માનવા મન તૈયાર ન હતું. એમના જવાથી જૈન સમાજને ભારે ખોટ પડી છે.
પૂજયા મહારાજી જેને સમાજના કોહિનૂર હીરા હતા. એમનું જીવન માત્ર અનુમોદનીય કે પ્રશંસનીય જ નહિ, અનુકરણીય પણ હતું.
શાસનદેવને પ્રાર્થના છે કે, એમના આત્માને શાંતિ આપે અને આપણને સૌને એમનો વિયોગ સહન કરવાની શક્તિ આપે.
મહત્તરા શ્રી મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |